NBA: ზაზამ და მეომრებმა სან ანტონიოს გამარჯვება ბოლოს გამოგლიჯეს

ზაზა ფაჩულიას "გოლდენ სტეიტმა" ურთულესი მატჩი გამართა შინ, "სან ანტონიოს" წინააღმდეგ. მეოთხე პერიოდის დასაწყისში "მეომრები" ათი ქულის სხვაობით აგებდნენ, თუმცა კეინ დურანტის წინამძღოლობით შეძლეს თამაშის გადარჩენა და 110:107 გაიმარჯვეს.

დურანტმა 36 ქულა ჩააგდო. სტეფ კარიმ ტრავმის გამო მხოლოდ სამი წუთი ითამაშა. ზაზა ფაჩულია მატჩში სათადარიგოთა სკამიდან ჩაერთო, 10 წუთი ითამაშა, 5 ქულა, 4 მოხსნა და თითო ჩაჭრა-პასი გაიფორმა.

"გოლდენ სტეიტს" 51 მოგება, 14 წაგება აქვს და დასავლეთის კონფერენციაში "ჰიუსტონის" შემდეგ მეორე ადგილზეა. მომდევნო მატჩს 10 მარტს "პორტლენდის" წინააღმდეგ გამართავს.

1493
მკითხველის კომენტარები / 0 /
მსგავსი ამბები
რუბრიკის სხვა სიახლეები
;