NBA: ზაზა ფაჩულიამ დაამრგვალა - მე-10 მოგება [VIDEO]

ზაზა ფაჩულიას "გოლდენ სტეიტმა" სეზონის მე-13 მატჩი გამართა და მეათე მოიგო. "მეომრებს" სტუმარმა "ფილადელფიამ" პირველ ტაიმში სერიოზული წინააღმდეგობა გაუწია, დიდ შესვენებაზე მასპინძლები მნიმალური უპირატესობით გავიდნენ.

მესამე ათწუთეული კი, 36:21 მოიგეს და საფინალო სირენამდე ინიციატივა აღარ დაუთმიათ - 135:114.

ტრავმამოშუშებულმა კევინ დურანტმა გუნდს 29 ქულით ულიდერა, სტეფ კარიმ 22 ქულა და 9 პასი გაიფორმა, ხოლო კლეი ტომპსონმა 6-დან 4 სამქულიანი ჩააგო და 23 ქულას მიაღწია.

ზაზა ფაჩულიას სტატისტიკა: 12 წუთი, 4 ქულა (4-დან 2 ორქულიანი), 4 მოხსნა, 1 ჩაჭრა, 1 შეცდომა, 2 ფოლი.

"გოლდენ სტეიტი" 14 ნოემბერს აღმოსავლეთ კონფერენციის ერთ-ერთ ლიდერ "ორლანდო მეჯიქს" მიიღებს.

1133
მკითხველის კომენტარები / 0 /
მსგავსი ამბები
რუბრიკის სხვა სიახლეები
;