NBA: ზაზა ფაჩულიას "გოლდენ სტეიტი" ლოს ანჯელესში 141-მდე ავიდა [VIDEO]

ნაციონალურ საკალათბურთო ასოციაციაში ზაზა ფაჩულიას "გოლდენ სტეიტ უორიორსმა" მეშვიდე მატჩი გამართა და მეოთხე მოიგო. ამჯერად მისი მეტოქე "კლიპერსი" იყო, რომელსაც "მეომრებმა" მისივე გულშემატკივრის თვალწინ 141 ქულა ჩაუგდეს. საბოლოოდ 141:113 "გოლდენ სტეიტის" სასარგებლოდ.

სტუმართა მწვრთნელმა სტივენ კერმა ოთხ წინახაზელს, ფაჩულიას, მაკგის, ბელსა და ვესტს დრო მეტ-ნაკლებად თანაბრად გაუნაწილა - 12-15 წუთი. ზაზას 13 წუთი ერგო და უქმად არ ყოფილა: 6 ქულა და 2 მოხსნა მიითვალა. მან 4 ორქულიანი სტყორცნა და 3 ჩააგდო.

11-დან 7 სამქულიანი ჰქონდა სტეფ კარის, რომელიც 31 ქულამდე ავიდა. კევინ დურანტის ანგარიშზე 19 ქულაა, კლეი ტომპსონის ანგარიშზე - 15, ხოლო დრეიმონდ გრინი სამმაგ დუბლს მიუახლოვდა - 16 ქულა, 9 მოხსნა, 6 პასი.

"გოლდენ სტეიტი" უახლოეს მატჩს 3 ნოემბერს, თბილისის დროით დილის 4 საათზე "სან ანტონიოსტთან" (სტუმრად) გამართავს.

1339
მკითხველის კომენტარები / 0 /
მსგავსი ამბები
რუბრიკის სხვა სიახლეები