NBA: ზაზა ფაჩულიას 'გოლდენ სტეიტი' 'ნიუ ორლეანთან 3:1 დაწინაურდა

ზაზა ფაჩულიას "გოლდენ სტეიტმა" დასავლეთის კონფერენციის ნახევარფინაური სერიის მეოთხე მატჩი გამართა. "მეომრებმა" სტუმრად 118:92 დაამარცხეს "ნიუ ორლეან პელიკანსი".

38 ქულით საუკეთესო იყო კევინ დურანტი, სტეფ კარიმ 23 ქულა ჩააგდო, ხოლო კლეი ტომპსონს 13 ჰქონდა.

ზაზა ფაჩულია მწვრთნელმა 3 წუთი ათამაშა რა დროშიც, ჩვენიანის ოქმში ერთიანები დაფიქსირდა:  თითო ქულა-მოხსნა-ჩაჭრა.

"ნიუ ორლეანის" ლიდერმა ენტონი დევისმა 26 ქულა მიითვალა.

ასე და ამგვარად, "გოლდენ სტეიტი" სერიაში 3:1 დაწინაურდა და დასავლეთის კონფერენციის ფინალამდე ერთი მოგებაღა აშორებს. მომდევნო მატჩი ოკლენდის "ორაკლ არენაზე" 9 მაისს გაიმართება.

546
მკითხველის კომენტარები / 0 /
მსგავსი ამბები
რუბრიკის სხვა სიახლეები