NBA: ზაზა ფაჩულიას გოლდენ სტეიტმა ბოსტონიც მოინელა

"გოლდენ სტეიტმა" კვირის ტოპ-მატჩში "ბოსტონ სელტიკსს" უმასპინძლა და თანაბარ ბრძოლაში 109:105 დაამარცხა.

შეხვედრის მსველობისას სტეფ კარიმ და მისმა მეტოქე კაირი ირვინგმა "რბოლა" მოაწყვეს - ისინი ტყორცნებში გაეჯიბრნენ. საბოლოოდ სტეფმა 8 სამქულიანი (13-დან) და 49 ქულა ჩააგდო, ხოლო ირვინგმა 37 ქულას მოუყარა თავი (6-დან 5 სამიანი).

ყველაფერი ბოლო წუთებზე უნდა გადაწყვეტილიყო, რომელიც უკეთ ისროდა, ის გაიმარჯვებდა. სტეფმა ბოლო 1:42 წუთში 13 ქულა მიითვალა... სხვათა შორის, ეს კარის ზედიზედ მეხუთე მატჩია, რომელშიც 5 და მეტ სამქულიანს აგდებს.

ზაზა ფაჩულია, რა თქმა უნდა, სასტარტო ხუთეულში იყო, მოედანზე 15 წუთი გაატარა, 2 ქულა (1-დან 1 ორქულიანი), 2 პასი და 4 მოხსნა მოაგროვა. კევინ დურანტი 20 ქულამდე ავიდა.

"გოლდენ სტეიტი" მომდევნო მატჩს 31 იანვარს იგორ კოკოშკოვის "იუტასთან" გამართავს.

1395
მკითხველის კომენტარები / 0 /
მსგავსი ამბები
რუბრიკის სხვა სიახლეები
;