NBA: ზაზა ფაჩულიას გოლდენ სტეიტმა დედაქალაქში შეისეირნა

ზაზა ფაჩულიას "გოლდენ სტეიტმა" ნიუ იორკის შემდეგ ვაშინგტონში ითამაშა და მოგებათა სერია ხუთამდე გაზარდა - 109:101.

"მეომრებმა" პირველი მეოთხედი 36:21 მოიგეს, ხოლო მესამე - 27:14. დანარჩენ ორ თორმეტწუთეულში ჯონ უოლის გარეშე მოთამაშე "ვაშინგტონმა" ძალიან მოინდომა, მაგრამ გამარჯვებას მაინც ვერ მიუახლოვდა.

იმის გამო, რომ მასპინძლებს სათადარიდო ცენტრად ტანდაბალი, სწრაფი კალათბურთელები ჰყავდათ, მწვრთნელმა ზაზა მხოლოდ ხუთი წუთი ათამაშა. ამ დროში ქართველმა 2 ქულა და 1 მოხსნა მოაგროვა.

"გოლდენ სტეიტს" მოგებისკენ 32 ქულით კევინ დურანტი გაუძღვა. სტეფ კარის 25 ქულა ჰქონდა, ხოლო დრეიმონდ გრინმა 11-11 ქულა პასი შეასრულა.

"გოლდენ სტეიტი" მომდევნო მატჩს ზაზას ყოფილ გუნდ ატლანტასთან სტუმრად, 3 მარტს გამართავს.

751
მკითხველის კომენტარები / 0 /
მსგავსი ამბები
რუბრიკის სხვა სიახლეები