NBA: ზაზა ფაჩულიას გოლდენ სტეიტმა რაკეტასაც გაასწრო [VIDEO]

ზაზა ფაჩულია 6 ქულით შეეშველა "გოლდენ სტეიტს", რომელმაც მნიშვნელოვანი გასვლითი შეხვედრა მოიგო ჰიუსტონში "რაკეტებთან" - 124:114.

ეს იყო სტეფ კარის 6000-ე მატჩი ნაციონალურ საკალათბურთო ასოციაციაში. მას ბოლო სამ შეხვედრაში 36 მცდელობიდან 20 სამიანი აქვს ჩაგდებული. "ჰიუსტონთან" კარი თანაგუნდელებს 29 ქულით შეეწია.

9-დან 6 სამიანი გამოიყენა კლეი ტომპსონმა და მატჩი 28 ქულით დაასრულა. სხვათა შორის, ჰიუსტონურ დაპირისპირებაში მაყურებელმა 30 სამიანი იხილა. აქედან 17 მასპინძლებმა ჩააგდეს.

სამმაგი დუბლი ჰქონდა დრეიმონდ გრინს: 17 ქულა, 14 მოხსნა, 10 პასი. მაშინ, როდესაც იგი სამმაგს ასრულებს, "გოლდენ სტეიტს" თამაშს არ აგებს, 21 კი, მოგებული აქვს.

ზაზა ფაჩულიას მონაგარი: 14 წუთი, 6 ქულა, თითო მოხსნა-პასი-ჩაჭრა, 2 ფოლი. მის ანგარიშზე ხუთიდან 2 ორქულიანი და 2-დან 2 საჯარიმოა.

"გოლდენ სტეიტი" უკვე ოთხი მოგებით უსწრებს დასავლეთის კონფერენციის მეორეადგილოსან "ჰიუსტონ როკეტსს". ზაზას გუნდს 31 გამარჯვება და 8 მარცხი აქვს, "რაკეტებს" - 27 მოგება და 10 წაგება.

ოკლენდელები მომდევნო შეხვედრას ლოს ანჯელესში "კლიპერსთან" 7 იანვარს გამართავენ.

3538
მკითხველის კომენტარები / 0 /
მსგავსი ამბები
რუბრიკის სხვა სიახლეები
;