NBA: ზაზა ფაჩულიას დიდებული თამაში, 13 ქულა და მოგება ნიუ იორკთან

 "ნიუ იორკთან" საშინაო მატჩის დასაწყისი ზაზა ფაჩულიას "გოლდენ სტეიტისთვის" წარუმატებელი გამოდგა. სტუმრები ქულას ქულაზე აგროვებდნენ და ოკლენდელთა სნაიპერებსაც კარგად ედგნენ დაცვაში. 

ასეთ სიტუაციაში ზაზამ ითავა მექულეობა, ფარქვეშ პასებმაც არ დააყოვნა და საწყის წუთებზე ქართველ ცენტრს 6 ქულა მოუგროვდა. მწვრთნელმა სტივ კერმა იგი კარგი თამაშის მიუხედავად სათადარიგოთა სკამზე მალე დასვა.

" გოლდენ სტეიტმა" თამაში მეორე პერიოდში, სათადარიგოების მოედანზე გამოსვლის შემდეგ გამოასწორა და მესამე პერიოდის წინ სხვაობა ორ ქულამდე შეამცირა - 58:60.

დაიწყო მესამე თორმეტწუთეული და ამოიქოქა სტეფ კარის მანქანა. თუმცა, მთავარი მექულება ზაზას არ დაუთმია: სწორედ მისი ზუსტი საჯარიმოების წყალობით მატჩში პირველად დაწინაურდა " გოლდენ სტეიტი" - 64:62. ხოლო მესამე პერიოდის საწყის 6 წუთში 22 ქულიდან 7 მისი იყო.

ზაზამ თავისი მე-13 ქულა მესამე მეოთხედის მე-6 წუთზე ჩააგდო და სხვაობა 9 ქულამდე გაზარდა - 80:71.

მატჩის ამერიკელმა კომენტატორებმა კომპლიმენტს კომპლიმენტი მიაყოლეს: ფაჩულია დიდებულია... როცა სხვებს გაუჭირდათ, ფარქვეშ ლიდერობა ითავა... ზაზა თამაშობს...

მწვრთნელმა ქართველი ცენტრი მეოთხედის მეექვსე წუთზევე შეცვალა. სტეფ კარიმ და კომპანიამ კი შეხვერრა მშვიდად მიიყვანა გამარჯვებამდე - 123:112.

 ზაზას მონაგარი: 14 წუთი, 13 ქულა, 4 მოხსნა, 1 ჩაჭრა, 6-დან 5 ორქულიანი, 3- დან 3 საჯარიმო.

სტეფ კარიმ 32 ქულა ჩააგდო, კევინ დურანტმა 14-14 ქულა-მოხსნა მიითვალა.

"გოლდენ სტეიტი" მომდევნო მატჩში, 26 იანვარს "მინესოტას" მიიღებს.

2885
მკითხველის კომენტარები / 0 /
მსგავსი ამბები
რუბრიკის სხვა სიახლეები
;