NBA: ზაზა ფაჩულიას მეცხრე გამარჯვება [VIDEO]

"გოლდენ სტეიტმა" სიჩქარე აკრიფა, ვეღარავინ აჩერებს. ოკლენდელებმა ამჯერად "მინესოტა ტიმბერვულვზს" უმასპინძლეს და 125:101 დაამარცხეს.

თამაში საწყისი ორი პერიოდის განმავლობაში თანაბარ ბრძოლაში მიმდინარეობდა, მესამე მეოთხედიდან კი "გოლდენ სტეიტმა" საგრძნობი უპირატესობა მოიპოვა და სეზონში მეცხრედ გაიმარჯვა. წარმატების მთავარი მიზეზი სამქულიანებია - მასპინძლებმა "ვულვზის" კალათბურთელებზე 10-ით მეტი ჩააგდეს - 15.

ზაზა ფაჩულიამ 15 წუთი ითამაშა, 5 მოხსნა, 2 პასი და 1 დაფარება გაიფორმა.

12-დან 6 სამქულიანი ჩააგდო კლეი ტომპსონმა და 28 ქულამდე ავიდა. სეზონის ერთ-ერთი საუკეთესო მატჩი ჰქონდა ებრაელ ომრი კასპის - 20 წუთში 13 ქულა, 3-3 მოხსნა დაფარება მიითვალა, თამაშიდან 7-ჯერ სტყორცნა და 5-ჯერ ჩააგდო. სტეფ კარიმ 22 ქულას 8-8 მოხსნა-პასი მიამატა.

კევინ დურანტს ბარძაყის ტრავმის გამო არ უთამაშია.

"გოლდენ სტეიტი" 12 ნოემბერს "ფილადელფიას" უმასპინძლებს.

1333
მკითხველის კომენტარები / 0 /
მსგავსი ამბები
რუბრიკის სხვა სიახლეები
;