NBA: ზაზა ფაჩულიას სეზონის რეკორდი: 11 ქულა, 6 პასი [VIDEO]

ოთხმატჩიანი გასვლითი სერიის შემდეგ ზაზა ფაჩულიას "გოლდენ სტეიტი" მშობლიურ "ორაკლ არენას" დაუბრუნდა და "ჩიკაგო ბულსს" უმასპინძლა.

"მეომრებმა" განსაკუთრებით შთამბეჭდავად მეორე-მესამე პერიოდები გამართეს, 81:34 მოიგეს და მეოთხე რაუნდის წინ გამარჯვებაც დაიბევეს. საფინალო ანგარიში შთამბეჭდავი გამოვიდა - 143:94.

ზაზამაც ეფექტურად ითამაშა. 19 წუთში ბურთი არ აუცილებია: 3 ორქულიანი და საჯარიმო სტყორცნა - 11 ქულა, 6 შედეგიანი გადაცემა, 5 მოხსნა, 2 ჩაჭრა და 1 ფოლი. შეცდომა არ დაუშვია.

11 ქულა მისი საამსეზონო რეკორდია, ისევე როგორც 6 პასი. პლუს-მინუსების გრაფაში კი +23 ეწერა, რაც იმას ნიშავს, რომ მისი მოედანზე ყოფნისას გუნდი 23 ქულით დაწინაურდა.

"გოლდენ სტეიტმა" კევინ დურანტისა და დრეიმონდ გრინის გარეშე ითამაშა. მათ არყოფნაში სასტარტო ხუთეულში ვიხილეთ ჯორდან ბელი (6 დაფარება, 7 ქულა) და ომრი კასპი. სტეფ კარიმ 33 ქულა ჩააგდო, ხოლო კლეი ტომპსონმა - 17.

"მეომრებს" 19 მატჩიდან 14 მოგებული აქვთ და დასავლეთის კონფერენციაში მხოლოდ "ჰიუსტონს" ჩამორჩებიან.

ზაზას თანაგუნდელებს მომდევნო მატჩი 26 ნოემბერს შინ "პელიკანსთან" ელით (თბილისის დროით დილის 5:30 საათზე).

1111
მკითხველის კომენტარები / 0 /
მსგავსი ამბები
რუბრიკის სხვა სიახლეები
;