NBA: ზაზა ფაჩულიას "უორიორსის" ველური გამარჯვება [VIDEO]

"გოლდენ სტეიტ უორიორსმა" აღმოსალეთ კონფერენციაში ზედიზედ მესამე მატჩი გამართა. ამჯერად თორნიკე შენგელიას ყოფილ კლუბ "ბრუკლინ ნეთსთან" და, როგორც მთავარმა მწვრთნელმა სტივ კერმა თქვა, "ველურ" თამაშში 118:111 გაიმარჯვა.

ასეთ თამაშს თავისებური ახსნა მოუძებნა 39-ქულიანმა სტეფ კარიმ: პირველ ტაიმში 25-ქულიან უპირატესობას რომ მოიპოვებ, შემდეგ უკვე თავისუფლად თამაშობო...

კევინ დურანტის არყოფნაში სასტარტო ფორვარდი ებრაელი ომრი კასპი იყო. 12 ქულა ჩააგდო. ზაზა ფაჩულიამ 14 წუთში ერთიდან ოთხამდე დათვალა: 1 ჩაჭრა, 2 მოხსნა, 3 ქულა და 4 პასი.

"ბრუკლინის" შემადგენლობაში არ უთამაშია რუს ცენტრ ტიმოფეი მოზგოვს.

"გოლდენ სტეიტი" მომდევნო მატჩს ასევე სტუმრად ოკლაჰომაში "თანდერსის" წინააღმდეგ გამართავს, 23 ნოემბერს.

1642
მკითხველის კომენტარები / 0 /
მსგავსი ამბები
რუბრიკის სხვა სიახლეები
;