ზაზა ფაჩულიას "გოლდენ სტეიტმა" ტრავმირებული სტეფ კარის გარეშე პირველი მატჩი გამართა და "პორტლენდთან" 108:125 დამარცხდა. თამამად შეიძლება ითქვას, რომ მატჩის ბედი ბოლო პერიოდში გადაწყდა, რომელიც "მეომრებმა" 25:38 დათმეს.

სტუმრებს ვერც კევინ დურანტის 40-მა ქულამ უშველა. ზაზა ფაჩულია მოედანზე 6 წუთით გამოჩნდა და მატჩი 1 მოხსნით დაასრულა.

"პორტლენდის" გამარჯვება მაკოლუმმა და ლილარდმა განაპირობეს: პირველმა 30 ქულა ჩააგდო, მეორემ - 28.

"გოლდენ სტეიტი" მომდევნო მატჩს 11 მარტს სტუმრად "მინესოტასთან" ჩაატარებს. შეხვედრა თბილისის დროით 23:30 საათზე დაიწყება.