NBA: ზაზა ფაჩულიას უორიორსმა დენვერიც დააგდო [VIDEO]

მეტად საინტერესო მატჩი გამოუვიდა ზაზა ფაჩულიას "გოლდენ სტეტს" "დენვერ ნაგეტსთან" - სამი პერიოდის განმავლობაში სხაობა 9 ქულას არ გადასცილებია, მხოლოდ ბოლო წუთებზე დაფიქსირდა ორნიშნა რიცხვიანი ჰანდიკაპი, ისიც 10 ქულა და სწორედ ასე მოიგო "უორიორსმა", 124:114.

სტეფ კარი ბოლო მატჩებში ძალიან მიეჩვია იმდენი ქულის ჩაგდებას, რაც ზურგზე აწერია - ამჯერადაც ზუსტად 30 ქულას მოუყარა თავი. მას მიმდინარე სეზონში 41 შევედრიდან 12-ში 30 და მეტი ქულა აქვს მოგროვილი. სწორედ კარის დამსახურებაა, რომ გუდს კევინ დურანტის არყოფნა არ ეტყობა.

რაც შეეხება სასტარტო ცენტრ ზაზა ფაჩულიას, მან "დენვერთან" 14 წუთი ითამაშა, 4 ქულა, 6 მოხსნა და 2 შედეგიანი გადაცემა მოაგროვა. ორქულიანები 50-პროცენტიანი სიზუსტით სტყორცნა - 4-დან 2.

"გოლდენ სტეიტს" 41 მატჩიდან 33 მოგებული აქვს. გუნდმა ეკვატორს მიაღწია - რეგულარულ სეზონში კიდევ 41 მატჩი აქვს დარჩენილი.

1530
მკითხველის კომენტარები / 0 /
მსგავსი ამბები
რუბრიკის სხვა სიახლეები
;