NBA: ზაზა ფაჩულიას ხუთში ხუთი კონფერენციის ფინალში [VIDEO]

ზაზა ფაჩულიამ ითამაშა. "გოლდენ სტეიტის" მთავარმა მწვრთნელმა სტივენ კერმა იგი "ჰიუსტონთან" სტუმრად გამართული მატჩის მიწურულს გამოიყვანა და ჩვენიანმაც 5 წუთში 5 ქულა ჩააგდო. ზაზამ ორ-ორი ორქულიანი და საჯარიმო სტყორცნა, საიდანაც მხოლოდ ერთი საჯარიმო აუცდა. ხუთი ქულის გარდა მის ანგარიშზე თითო მოხსნა-პასი-ჩაჭრა იყო.

რაც შეეხება "გოლდენ სტეიტის" ჰიუსტონურ დაპირისპირებას, ის მასპინძელთა სრული უპირატესობით წარიმართა და მათი დამაჯერებელი გამარჯვებით დასრულდა - 127:105.

კევინ დურანტი კვლავ "რობინ ჰუდი" იყო - 38 ქულა ჩააგდო, სტეფ კარიმ 16 შეაშველა. საინტერესოა, რომ "უორიორსიდან" მხოლოდ ეს ორი კალათბურთელი ასცდა 10-ქულიან ნიშნულს. დურანტისთვის ეს იყო პლეი ოფის ზედიზედ მე-19 მატჩი, რომელშიც 20 ქულას გადააჭარბა.

      ⇒NBA-ს პლეი ოფი 2009. მაიამის მწვრთნელი: ფაჩულიას გარშემო ხალხი ცვიოდა, ბურთი იკარგებოდა 

"ჰიუსტონის" ლიდერმა ჯეიმს ჰარდენმა თუ პირველ მატჩში 41 ქულა ჩააგდო, ამჯერად 27-ს დასჯერდა, თუმცა გუნდიც ათამაშა და სწორედ ამიტომ თქვა მთავარმა მწვრთნელმა მაიკ დანტონიმ: 

- ჩვენ შეგვიძლია ნებისმიერი მეტოქის, ნებისმიერ დროსა და ნებისმიერ ადგილას დამარცხება ასეთი თამაშით.

ჰარდენს გორდონი (9-დან 6 სამიანი), თაქერი (6-დან 5 სამიანი), არიზა და... მთელი გუნდი სათანადოდ დაეხმარა და ამიტომაც მოგო. გორდონმა 27 ქულა ჩააგდო, თაქერმა - 22, არიზამ - 19. ყველაზე მთავარი: "ჰიუსტონმა" ჯამში 16 სამქულიანი გამოიყენა, "გოლდენ სტეიტმა" - 9.

ასე და ამგვარად სერიაში ანგარიში გათანაბრდა და იგი ოკლენდში გადაინაცვლებს. მესამე მატჩი 21 მაისსაა.

667
მკითხველის კომენტარები / 0 /
მსგავსი ამბები
რუბრიკის სხვა სიახლეები