NBA: ზაზა ფაჩულიას 113-ე ორმაგი დუბლი: 16 ქულა, 11 მოხსნა [VIDEO]

ზაზა ფაჩულიამ მიმდინარე წელს საუკეთესო მატჩი გამართა. მან 2017-18 წლების სეზონში პირველი ორმაგი დუბლი მიითვალა - 16 ქულა და 11 მოხსნა. თუმცა ზაზას კარგი გარჯა "გოლდენ სტეიტს" გასამარჯვებლად არ ეყო - ოკლენდელებმა სტუმრად, "მინესოტასთან" 103:109 დათმეს.

ბოლო წუთებზე, როდესაც მინეაპოლისელები 3 ქულით იყვნენ წინ, კევინ დურანტმა სამქულიანი გააცუდა, რის შემდეგაც მასპინძლებმა ფარქვეშიდან მშვიდად ჩააგდეს და "მეომრებისთვის" მიუწვდომელნი გახდნენ.

კევინ დურანტმა 39 ქულა და 12 მოხსნა მიითვალა, მინესოტელმა კარლ-ენტონი თაუნსმა - 31 ქულა და 11 მოხსნა.

ზაზა ფაჩულიას სრული მონაგარი კი, ასეთი იყო: 25 წუთი, 16 ქულა (9-დან 7 ორქულიანი, 3-დან 2 საჯარიმო), 11 მოხსნა, 3 პასი, 1 ჩაჭრა, 2 დაფარება, 3 ფოლი 0 შეცდომა.

ეს გახლდათ ქართველი ცენტრის 113 ორმაგი დუბლი ამერიკულ კარიერაში.

1434
მკითხველის კომენტარები / 0 /
მსგავსი ამბები
რუბრიკის სხვა სიახლეები