NBA: ზაზა ფაჩულიას 13-მოხსნიანი რეკორდი... 113-ე დუბლთან ახლოს

ზაზა ფაჩულიას "გოლდენ სტეიტმა" საკრამენტოში "კინგსთან" საინტერესო მატჩი გამართა და 119:104 გაიმარჯვა.

ზაზა შეხვედრაში თავიდანვე აქტიური იყო, პირველი ტაიმი 6-6 ქულა-მოხსნით დაასრულა, ხოლო მესამე პერიოდში, ვიდრე მწვრთნელი სათადარიგოთა შორის დააბრუნებდა მისი მონაგარი ასეთი იყო: 22 წუთი, 8 ქულა (6-დან 4 ორქულიანი), 13 მოხსნა, 1 პასი, 1 ჩაჭრა. 13 მოხსნა მისთვის მიმდინარე სეზონის რეკორდია.

მესამე პერიოდის დასრულებამდე 4 წუთით ადრე, როდესაც "გოლდენ სტეიტი" 80:66-ს იგებდა ქართველის ნაცვლად მოედანზე დრეიმონდ გრინი გამოვიდა. მალე ზაზას სათადარიგოებში სტეფ კარიც შეუამხანაგდა და საკრამენტოელებმაც გაილაღეს: მეოთხე პერიოდის დასაწყისში სხვაობა მინიმუმამდე შეამცირეს - 88:89.

მწვრთნელმა კარი დროულად დააბრუნა, ზაზას გამოჩენასა და მის 113 დუბლს ამაოდ ველოდით. მონაგარიც ის დარჩა, რაც მესამე პერიოდში ჰქონდა.

რაც შეეხება "გოლდენ სტეიტს" ბოლო წუთებზე გუნდი პერიმეტრზე ბოლომდე გაიხსნა, ჯამში 17 სამიანი ჩააგდო და, როგორც მოგახსენეთ, 119:104 გაიმარჯვა.

დურანტი 33 ქულამდე ავიდა, კარის 23 ჰქონდა. ყველაზე მეტი სამიანი სწორედ დურანტს ჰქონდა - 7-დან 6.

"უორიორსი" მომდევნო მატჩს ასევე სტუმრად ნიკა ცქიტიშვილის ყოფილ გუნდ "დენვერთან" გამართავს - 4 თებერვალს, თბილისის დროით დილის 6 საათზე.

2978
მკითხველის კომენტარები / 1 /
зф
0
мере чвен ра,?
მსგავსი ამბები
რუბრიკის სხვა სიახლეები
;