NBA. ზაზა ფაჩულია გამთამაშებლის ამპლუაში - 6 პასი ბრუკლინში

ზაზა ფაჩულიას "დეტროიტ პისტონსმა" მიმდინარე სეზონიში მესამე საგამოფენო მატჩი ითამაშა. ამჯერად მიჩიგანელები "ბრუკლინ ნეთსს" ესტუმრნენ და დაძაბულ ბრძოლაში 108:110 დამარცხდნენ.

გამარჯვებულის გამოვლენას ოვერტაიმი დასჭირდა. ძირითადი დროის დასრულებამდე 23 წამით ადრე გალოვეის ორქულიანით "დეტროიტი" 101:100-ს იგებდა, თუმცა საპასუხო შეტევაში რასელმა ზაზას თანაგუნდელებს სამქულიანი ჩაუგდო და "ბრუკლინი" 102:100 დააწინაურა. "დეტროიტი" არ დანებდა - ბალოკის ორქულიანმა მატჩი ოვარტაიმში გადაიყვანა, სადაც კვლავ "ბრუკლინი" გაიჭრა წინ და შეხვედრა გამარჯვებამდე მიიყვანა.

ზაზა ფაჩულიამ ამ მატჩში კიდევ ერთხელ გამოავლინა გამთამაშებლის თვისებები. მან 17 წუთში 6 შედეგიანი გადაცემა შეასრულა. ეს ცენტრისთვის ბევრია, თუმცა არ უნდა დაგვავიწყდეს, რომ ზაზა აქამდეც გამოირჩეოდა ასეთი თამაშით. ჯერ კიდევ სამი წლის წინათ დაწერეს მილუოკელმა ჟურნალისტებმა - ვერ გაგვიგია, ფაჩულია ცენტრია თუ პლეიმეიქერიო. სხვათა შორის, "მილუოკიში" თამაშისას სწორედ "ბრუკლინის" წინააღმდეგ ზაზს სამმაგ დუბლამდე 2 მოხსნა დააკლდა, იმ მატჩში 10 პასი ჰქონდა.

ამჯერად კი ფაჩულიამ 6 შედეგიან გადცემას 5 მოხსნა, 1 დაფარება და 2 ქულა მოაგროვა.

"დეტროიტს" მომდევნო მატჩი 11 ოქტომბერს "ვაშინგტონთან" ელის.

 

583
მკითხველის კომენტარები / 0 /
მსგავსი ამბები
რუბრიკის სხვა სიახლეები