NBA. ზაზა ფაჩულია VS იგორ კოკოშკოვი

ზაზა ფაჩულიას "გოლდენ სტეიტმა" მიმდინარე სეზონში ყველაზე ცუდი მატჩი გამართა. მესამე პერიოდში "იუტამ" 20 ქულით გაასწრო, რის შემდეგაც "მეომრები" ბევრს ეცადნენ, მაგრამ არათუ თამაში შემოატრიალეს, სხვაობაც ვერ შეამცირეს და საბოლოოდ 99:129 დამარცხდნენ.

წაგების მიზეზი "იუტას" დალაგებული დაცვა და კიდევ უფრო მწყობრი შეტევა იყო. ეს არც უნდა გაგვიკვირდეს, იუტელებს ხომ ევროპის ჩემპიონი იგორ კოკოშკოვი წვრთნის. იგი, მართალია, ქუინ სნეიდერის თანაშემწეა, მაგრამ შეუიარაღებელი თვალითაც ჩანს, რომ მისტერ ქუინი ევროპული, მწყობრი და მჭიდრო კალათბურთის მიმდევარია, რაშიც მას ევროპელი მოთამაშეებიც მშვენივრად უწყობენ ხელს.

ესპანელმა რიკი რუბიომ 23 ქულა და 11 პასი მიითვალა, ხოლო ფრანგმა რუდი გობერმა 9 ქულას 6 მოხსნა წაუმატა...

სხვა მატჩებში რუდის გაცილებით ეფექტური სტატისტიკა აქვს, მაგრამ მას მოედანზე ყოფნისას ძირითადად ზაზა ფაჩულიას წინააღმდეგობის დაძლევა უწევდა და როგორც დაძლია, თავადაც ხედავთ. გაცილებით მოკლე დროში უფრო შედეგიანი ქართველი ცენტრი იყო: 19 წუთი, 9 ქულა (7-დან 4 ორქულიანი, 2-დან 1 საჯარიმო), 7 მოხსნა, 2 პასი, 2 ჩაჭრა, 2 დაფარება.

"გოლდენ სტეიტის" ვარსკვლავთაგან 20 ქულას მხოლოდ კლეი ტომპსონმა გადააბიჯა - 27.

3 იანვარს ზაზას გუნდი "საკრამენტო კინგსს" ესტუმრება.

1781
მკითხველის კომენტარები / 0 /
მსგავსი ამბები
რუბრიკის სხვა სიახლეები