NBA-ის უსუსტესი სასტარტო ხუთეულები

შემადგენლობაში ერთი ან ორი კარგი მოთამაშის ყოლა საკმარისი არ არის NBA-ში წარმატების მისაღწევად, განსაკუთრებით მაშინ, თუ სხვებს, უბრალოდ, არ შეუძლიათ მოედნის ორივე ბოლოში ღირსეული თამაშის ჩვენება.

ისტორიაში იყო რამდენიმე უნიკალური მოთამაშე, რომლებსაც შეეძლოთ სათანადო მხარდაჭერის გარეშეც, გუნდი წარმატებამდე მიეყვანათ. პირველ რიგში, ასეთი კალათბურთელი იყო ალენ აივერსონი.

მიუხედავად იმისა, რომ აივერსონმა შეძლო მარტო "ფილადელფიას" ფინალში გაყვანა, ეს შემთხვევა გამონაკლისად მოჩანს. ხშირად, გუნდებს პლეი ოფში მოხვედრაც კი არ შეუძლიათ, თუ სტაბილური სასტარტო ხუთეული არ გააჩნიათ.

მოახლოებული სეზონის წინ, ვებგვერდ ფადეაწაყწორლდ-მა გამოარჩია თანამედროვე NBA-ის ყველაზე ცუდი სასტარტო ხუთეულები.

10. მაიამი ჰიტი
(გორან დრაგიჩი, დიონ უეიტერსი, ჯოშ რიჩარდსონი, ჯეიმს ჯონსონი, ჰასან უაიტსაიდი)
"მაიამი ჰიტი" - ეს არის გუნდი, რომელიც ვეღარ მოდის გონს "დიდი სამეულის" (ლებრონ ჯეიმსი, კრის ბოში, დუეინ უეიდი) ეპოქის დასრულების შემდეგ. მათ ჰყავთ კარგი მოთამაშეები, მაგრამ არაფრით გამოირჩევიან, არ არიან სუპერვარსკვლავები, რომლებსაც შეეძლებათ წარმატების მოტანა გრძელ დისტანციაზე. ამასთან, გუნდის ვეტერანი დუეინ უეიდი ემზადება კარიერაში ბოლო სეზონის ჩასატარებლად.

ასეა თუ ისე, უეიდი მაინც უკვე შორს არის თავისი საუკეთესო წლებისგან, გორან დრაგიჩი და ჰასან უაიტსაიდი კი მეორე ეშელონის ვარსკვლავები არიან და მხოლოდ მოვლენათა იღბლიანი განვითარების შემთხვევაში შეუძლიათ მიიღონ მიწვევა "ყველა ვარსკვლავის მატჩზე". დიონ უეიტერსი - ეს დიდი კითხვის ნიშანია. ის გამოტოვებს სეზონის დასაწყისს ტრავმის გამო. ჯოშ რიჩარდსონს არ შეუძლია სტაბილურად სროლა (თუმცა, შესანიშნავი მცველია). ცოტა რამის შეთავაზება შეუძლია ჯეიმს ჯონსონს.

9. კლივლენდ კავალიერზი
(ჯორჯ ჰილი, როდნი ჰუდი, ჩედი ოსმანი, კევინ ლავი, ტრისტან ტომპსონი)

ლებრონ ჯეიმსის წასვლის შემდეგ, "კლივლენდი" არ გამოიყურება კონკურენტუნარიან გუნდად. ლებრონთან ერთადაც კი მათი სასტარტო შემადგენლობა არ იყო ძალიან ძლიერი, განსაკუთრებით იმის გათვალისწინებით, რომ ჯეი არ სმიტი ცუდად თამაშობდა სეზონის დიდი ნაწილი. "კლივლენდს" ასევე არასაკმარისი სიღრმე აქვს ფორვარდის პოზიციაზე.

დღეს, ყველაფერი არც ისე კარგად გამოიყურება გუნდისთვის, რომელსაც, უბრალოდ, კევინ ლავის გაცვლა და ყველაფრის ნულიდან დაწყება სჭირდება. "კავალიერზს" კოლინ სექსტონი გუნდის მთავარ ვარსკვლავად უნდა გაეხადა, აგრეთვე, უნდა მოეშორებინა ჯორჯ ჰილი. საჭიროა საშუალება მიეცეთ სექსტონს, ჩედი ოსმანსა და ანტე ჟიჟიჩს დაამტკიცონ, რომ მათ აქვთ ლიგაში მომავალი.

8. ლოს ანჯელეს კლიპერსი
(პატრიკ ბევერლი, ეივერი ბრედლი, დანილო გალინარი, ტობიას ჰარისი, მარცინ გორტატი)
"კლიპერსიც" საშუალო დონეზე ჩარჩა - "მაიამის" მსგავსად. როგორც ჩანს, მათ არ აქვთ შექმნილი სიტუაციიდან გამოსვლის გეგმა. მათ ბევრი კალათბურთელი შეაგროვეს და ახლა, უბრალოდ შეხედავენ - აქედან რა გამოვა. თუმცა, ბოლოდროინდელი ტრანსფერების გათვალისწინებით, "კლიპერსის" წარმატების ნაკლებად სჯერათ.

პატრიკ ბევერლი - შესანიშნავი მცველია, მაგრამ მძიმე ტრავმა გადაიტანა. ეივერი ბრედლი ძლიერი რეგრესი ჰქონდა მას შემდეგ, რაც აღარ მუშაობს "ბოსტონში" ბრედ სტივენსის ხელმძღვანელობით. დანილო გალინარის არ შეუძლია ბოლომდე ჯანმრთელი იყოს, მარცინ გორტატი კი "ვაშინგტონის" ძირითად ცენტრად იმის გამო თამაშობდა, რომ კონკურენტი არ ჰყავდა. თუმცა, ტობიას ჰარისი - დაუფასებელი მოთამაშეა, რომელსაც შეუძლია გაგვაკვირვოს.

7. ჩიკაგო ბულსი
(კრის დანი, ზაკ ლავინი, ჯაბარი პარკერი, ლაური მარკანენი, რობინ ლოპესი)
"ჩიკაგო ბულზს" ზრდის დიდი შესაძლებლობები გააჩნია, მაგრამ მათ ახალგაზრდა მოთამაშეებს ჯერ არ დაუმტკიცებიათ თავიანთი ძალა. ჯერჯერობით, "ჩიკაგო" შორს არის კონკურენტუნარიანი დონისგან და ჩემპიონის ტიტულისთვის ბრძოლასთან.

რობინ ლოპესს, დიდი ალბათობით, სეზონის მსვლელობისას გაცვლიან. უენდელ კარტერი მომავალში სასტარტო ხუთეულში მიიღებს ადგილს. დანი, ლავინი და პარკერი ძალიან საეჭვო მოთამაშეები არიან იმის გამო, რომ მიდრეკილება აქვთ ტრავმებისკენ. მათი შესაძლებლობები თითქოს მაღალია, მაგრამ ჯერ ლიგაში ვერ დამკვიდრდნენ.

6. ფინიქს სანზი
(ელი ოკობო, დევინ ბუკერი, ჯოშ ჯექსონი, ტრევორ არიზა, დეანდრე ჯორდანი)
თუ საერთო სურათს შევხედავთ, "ფინიქსი" წელს გაცილებით კარგი უნდა იყოს, ვიდრე გასულ სეზონში. მათ ბევრი ნიჭიერი მოთამაშე დაიმატეს ტრევორ არიზას, დეანდრე ეიტონისა და მიკალ ბრიჯესის სახით, რომელსაც ბევრი სარგებლობა მოჰქონდა სათადარიგოთა სკამიდან ტი ჯეი უორენთან ერთად.

ერთ-ერთი ყველაზე დიდი პრობლემა, რასაც "სანზი" აწყდება, ის არის, რომ მათ არ ჰყავთ საკუთარ თავში დარწმუნებული გამთამაშებელი. გარდა ამისა, თუ ჯოშ ჯექსონი და ტრევორ არზიაც კი წარმატებით წარმოაჩენენ თავს შეტევაში, დაცვა ისევ დარჩება "ფინქსისთვის" პრობლემად.

5. ბრუკლინ ნეტსი
(დ"ანჯელო რასელი, ალენ კრები, დემარ კეროლი, როდნი ჰოლის-ჯეფერსონი, ჯარეტ ალენი)
"ბრუკლინ ნეტსი" არ ყოფილა გასულ წელს ლიგის ყველაზე სუსტი გუნდი, როგორც ამას ბევრი ელოდა. თუმცა, ამ გუნდს მაინც არ ეთქმოდა კარგი. "ნეტსს" არ ჰყავს ვარსკვლავი, თუმცა, დ"ანჯელო რასელმა გამოავლინა ნიჭი, როცა ჯანმრთელი იყო. მას "საკონტრაქტო" წელი ეწყება, ამიტომაც, განსაკუთრებით მოტივირებული უნდა იყოს.

რასელის გარდა, "ბრუკლინს" ჰყავს ალენ კრები, რომელმაც, უბრალოდ, შეწყვიტა დაცვაში თამაში მას შემდეგ, რაც მაღალი ხელფასი მიიღო. დემარ კეროლი - დაუფასებელი უნივერსალური მოთამაშეა, მაგრამ ნახტომში სროლა არ უვარგა. ჰოლის-ჯეფერსონი და ალენი კარგები არიან დაცვაში, მაგრამ ვერ ასრულებენ უბრალო შეტევებს.

4. ორლანდო მეჯიქი
(დი ჯეი ოგასტინი, ჯონათონ სიმონსი, ევან ფურნიე, აარონ გორდონი, ნიკოლა ვუჩევიჩი)
"ორლანდო მეჯიქი" ოდნავ უკეთესი გახდა ამ სეზონში, მაგრამ მისი სასტარტო ხუთეული კვლავ არც ისე კარგია. სიმონსი, უმჯობესია, სათადარიგოთა სკამიდან შევიდეს თამაშში, რათა კარგი შეტევითი ნაპერწკალი იყოს რეზერვისტებისთვის, იმ დროს, როცა ევან ფურნიე დამაჯერებლად გამოიყურება შემტევი მცველის პოზიციაზე. ჯონათან აიზეკმაც შეიძლება პრეტენზია გამოაცხადოს სასტარტო ხუთეულში ადგილზე.

ახლა, "ორლანდოსთვის" ყველაზე მთავარია - გაცვალოს ნიკოლა ვუჩევიჩი, რათა მო ბამბას თავის გამოჩენის საშუალება მისცეს. ბამბა გუნდის პოტენციურ ლიდერად მოჩანს. მან, აიზეკმა და გორდონმა შეიძლება ძალიან სახიფათო შემტევი ტრიო შეადგინონ, განსაკუთრებით, დაცვით ეფექტურობაში. თუმცა, უნივერსალურობის მხრივ, ისინი ბევრით ვერ დაიკვეხნიან.

3. ნიუ იორკ ნიქსი
(ტრეი ბერკი, ტიმ ჰარდუეი, მარიო ჰეზონია, კევინ ნოქსი, ენეს კანტერი)
არსებობს სპეკულაციები იმაზე, რომ კრისტაპს პორზინგისმა, შესაძლოა, მთელი მომდევნო სეზონი გამოტოვოს, ამიტომაც, "ნიუ იორკს" მცირე მოტივაცია აქვს იმისთვის, რომ იბრძოლოს ამ რეგულარულში. შესაძლოა, გუნდში უკვე ფიქრობენ მომავალ დრაფტზე, რადგან "ნიქსს" არ აქვს მცირე შანსიც კი მოხვდეს პლეი ოფში პორზინგისის გარეშე.

"ნიუ იორკს" ჰყავს ახალგაზრდა ტალანტი კევინ ნოქსის სახით, მარიო ჰეზონია ჯერ ისევ შეიძლება გახდეს კარგი მსროლელი. მეორეს მხრივ, "ნიქსი" სუსტია გამთამაშებლის პოზიციაზე. ეს მომენტი, შესაძლოა, კატასტროფად იქცეს, განსაკუთრებით, თუ ემანუელ მუდიაი და ფრანკ ნტილიკინა არ შეიმუშავებენ ნახტომში სტაბილურ სროლას.

2. საკრამენტო კინგზი
(დეარონ ფოქსი, ბოგდან ბოგდანოვიჩი, ბადი ჰილდი, მარვინ ბეგლი, უილი კოული-სტაინი)
"კინგზი" იმდენად ცუდია, რომ ხშირად, მისი არსებობაც არ ახსოვთ. დღესაც კი, მიუხედავად იმისა, რომ დრაფტის მეორე ნომრად აირჩიეს მარვინ ბეგლი, არანაირი წინაპირობა არ არსებობს იმისა, რომ ეს გუნდი კონკურენტუნარიანი გახდება. "საკრამენტოს" სასტარტო ხუთეული, კვლავინდებურად, ძალიან არადაბალანსებულია.

დეარონ ფოქსი შესანიშნავი მოთამაშე აღმოჩნდა, განსაკუთრებით, დაძაბულ მომენტებში, ბოგდან ბოგდანოვიჩმა გაუძლო NBA-ის რიტმს. ჰილდი - სოლიდური მოთამაშეა, მაგრამ გაცილებით უკეთესი უნდა გახდეს ახალ სეზონში. კოული-სტაინის განვითარება შეჩერდა, არადა, მას ელიტური დამცველის სტატუსს უწინასწარმეტყველებდნენ. რაც შეეხება ბეგლის, ჯერჯერობით, მისი პერსპექტივები არც ისევ ნათელ ფერებში მოჩანს დაცვაში პრობლემების გამო.

1. ატლანტა ჰოქსი
(ჯერემი ლინი, კენტ ბეიზმორი, ტარონ პრინსი, ჯონ კოლინზი, დუეინ დედმონი)
"ჰოქსს" ჰყავს ყველაზე ცუდი სასტარტო ხუთეული NBA-ში. ჯერემი ლინი, სავარაუდოდ, რაღაც მომენტში დათმობს თავის ადგილს ტრეი იანგს და ამას აზრი ნამდვილად ექნება. ყოველ შემთხვევაში, ტრაე იანგი დრაფტზე იმ გათვლით აიყვანეს, რომ ის გუნდის ერთ-ერთი ლიდერი უნდა გახდეს.

კენტ ბეიზმორს, ალბათ, გაცვლიან, სანამ ჯერ კიდევ შერჩენია ფასი. ტარონ პრინსი მართლაც ძლიერი და დამაჯერებელი გახდა, მაგრამ მაინც არ არის ვარსკვლავი. დუეინ დედმონი - ეს არის ძველი ფორმაციის ცენტრი არადამაჯერებელი შემტევი თამაშით. ჯონ კოლინზი შეიძლება გახდეს შესანიშნავი მძიმე ფორვარდი, თუმცა, მას ხშირად უწევს ცენტრის პოზიციაზე თამაში.

ყოველდღიური სპორტული გაზეთი "ლელო"
1112
მკითხველის კომენტარები / 0 /
მსგავსი ამბები
რუბრიკის სხვა სიახლეები
;