NBA: იუტამ გოლდენ სტეიტს გაუჯაზა... [VIDEO]

"გოლდენ სტეიტისთვის" "ოუტა ჯაზი" მეტად უხერხულ მეტოქედ იქცა. ოკლენდელებმა ამჯერად სწორედ ისე წააგეს, როგორც სხვა მატჩებს თავად იგებენ ხოლმე - მესამე პერიოდის შემდეგ გამარჯვებულის ვინაობა გარკვეული იყო. "იუტამ" საბოლოოდ 40-ქულიანი სხვაობით გაიმარჯვა - 119:79.

იუტელებს მოტივაცია საკმარისზე მეტი ჰქონდათ. მათ ხომ მოგების შემთხვევაში რეგულარული ეტაპის მესამე ადგილზე დასრულების კარგი შანსი ჰქონდათ. გადავიდნენ კიდეც მესამეზე და შეინარჩუნებენ თუ არა, ამას 12 აპრილს გავიგებთ, როდესაც მესამეადგილოსანი "იუტა" მეოთხეს, "პორტლენდს" დაუპირისპირდება. შეგახსენებთ, რომ "ჯაზის" მეორე მწვრთნელად იგორ კოკოშკოვი მუშაობს.

რაც შეეხება "გოლდენ სტეიტს", მან რეგულარული ეტაპი უკვე დაასრულა - 58 მოგება, 24 წაგება აქვს და დასავლეთის კონფერენციაში მეორე ადგილზეა. პლეი ოფში ვინ შეხვდება, ესეც 12 აპრილს გაირკვევა. საპლეიოფო ზონის ქვედა ნაწილში დიდი "სიმჭიდროვეა".

არაფერი გვითქვამს "იუტასთან" მატჩში გოლდენსტეიტელთა მონაგარზე. კევინ დურანტმა ოდენ 13 ქულა ჩააგდო, კლეი ტომპსონმა - 23, ხოლო ზაზა ფაჩულიამ სტსტისტიკა დროში გარდასახა: 4 ქულა+6 მოხსნა+2 პასი+1 ფოლი=13 წუთი.

1183
მკითხველის კომენტარები / 0 /
მსგავსი ამბები
რუბრიკის სხვა სიახლეები
;