NBA. კლეი ტომპსონი და კავაი ლეონარდი 'ლეიკერსში'?

მომავალ ზაფხულში "ლოს ანჯელეს ლეიკერსს" ეყოფა ფული ერთ სუპერვარსკვლავზე მაქსიმალური კონტრაქტით.

გუნდი შეეცდება შეიძინოს შესაფერისი პარტნიორი ლებრონ ჯეიმსისთვის, ხოლო მომავალ წელს თავისუფალი აგენტები იქნებიან - კევინ დურანტი, ჯიმი ბატლერი, კაირი ირვინგი, კლეი ტომპსონი და კავაი ლენარდი. ეს უკანასკნელი იყო ამ ზაფხულს "ლეიკერსის" სამიზნე და კალიფორნიულმა კლუბმა წინადადებითაც მიმართა "სპურსს".

მაგრამ, "ლეიკერსმა" ვერ გაამართლა "სან ანტონიოს" მოლოდინი და საბოლოოდ, 27 წლის კალათბურთელი "ტორონტოში" გაემგზავრა. მაგრამ, ვარაუდობენ, რომ "ლეიკერსმა", შესაძლოა, მაინც მიიღოს ლენარდი (თუ უახლოეს სეზონში "ტორონტო" ჩავარდება), აგრეთვე, კლეი ტომპსონი.

ამასობაში, ენტონი დევისმა გამოაცოცხლა "ლეიკერსი" და "ბოსტონი", როცა გამოეთხოვა თავის აგენტს ტედ ფუშერს. კალათბურთელს, რომელსაც ორი წელი დარჩა კონტრაქტის მიხედვით "ნიუ ორლეანთან", ხშირად უწინასწარმეტყველებენ სხვა გუნდში გადასვლას.

"ნიუ ორლეანს" არასაკმარისი შესაძლებლობები აქვს იმისთვის, რომ ღირსეული პირობები შესთავაზოს 25 წლის მოთამაშეს, რომელიც 2020 წელს შეიძლება თავისუფალი აგენტი გახდეს. ნაკლებად სავარაუდოა, რომ დევისი დათანხმდეს 2020-21 წლების სეზონისთვის კონტრაქტის გაგრძელებას, რის სანაცვლოდაც 28 700 000 დოლარი უნდა მიიღოს.

ESPN-ის მიმომხილველების სიტყვებით, ენტონი დევისის აგენტობაზე მთავარი პრეტენდენტი - რიჩ პოლია. ის ლებრონ ჯეიმსზე მუშაობს, რომელიც ამ ზაფხულს "ლეიკერსში" გადავიდა. ცნობისთვის, ლუოლ დენგთან კონტრაქტის გამოსყიდვის შემდეგ, "ლეიკერსმა" დამატებითი ადგილი მიიღო შემადგენლობაში.

გარდა ამისა, ენტონი დევისს ბევრი უწინასწარმეტყველებს "ბოსტონში" გადასვლას. ამ გუნდს აქვს ბევრი რამ, რითიც შეიძლება მოხიბლოს "ნიუ ორლეანი" გაცვლაზე.

ყოველდღიური სპორტული გაზეთი "ლელო"
1263
მკითხველის კომენტარები / 0 /
მსგავსი ამბები
რუბრიკის სხვა სიახლეები
;