[NBA] ნოვიცკის გაისად დააფასებენ

ცნობილი გახდა, როდის ამოიღებს ხმარებიდან „დალას მავერიქსი“ კლუბის ლეგენდის დირკ ნოვიცკის სათამშო ნომერს. „დალასის“ მფლობელის მარკ ქიუბანის თქმით, საზეიმო ცერემონია მომავალი სეზონის დასაწყისში გაიმართება.

უფრო ადრე, ქიუბანმა გამოაცხადა, რომ „დალასი“ გეგმავდა 41 წლის გერმანელის სათამაშო ნომრის ამოღებას მიმდინარე სეზონში. ასევე ტექსასური კლუბის ხელმძღვანელობას ჩაფიქრებული ჰქონდა ლეგენდარული ფორვარდის ქანდაკების დადგმა.

გასულ წელს, დალასში „ამერიკენ ეირლაინს ცენტრთან“ ახლოს ქუჩას ნოვიცკის სახელი დაარქვეს.

შეგახსენებთ, რომ „დალასის“ შემადგენლობაში ნოვიცკი 2011 წელს NBA-ის ჩემპიონი და ფინალური სერიის MVP გახდა. გერმანელმა ფორვარდმა 14-ჯერ ითამაშა „ყველა ვარსკვლავის მატჩში“, 12 მოხვდა სეზონის სიმბოლურ ნაკრებში, 2007 წელს კი სეზონის MVP გახდა.

206
მკითხველის კომენტარები / 0 /
მსგავსი ამბები
რუბრიკის სხვა სიახლეები
;