[NBA] ოლ სტარმა ლილარდი დაკარგა

„პორტლენდის“ ლიდერმა დემიან ლილარდმა ტრავმის გამო ვერ შეძლო რეგულარული ჩემპიონატის მატჩის დასრულება „მემფისის“ წინააღმდეგ. ვარსკვლავურმა გამთამაშებელმა საზარდული დაიზიანა. „ბლეიზერსმა“ სტუმრად წააგო შეხვედრა - 104:111.

მატჩის შემდეგ ლილარდმა გამოაცხადა, რომ გამოტოვებს „ყველა ვარსკვლავის მატჩსა“ და სამქულიანების კონკურსს. NBA ვარსკვლავური უქმეები 14-16 თებერვალს გაიმართება.

„მომავალზე უნდა ვიფიქრო. „ოლ სტარი“ კარგია, მაგრამ ჯანმრთელობა ყველაზე მთავარია.

მინდა დარწმუნებული ვიყო, რომ ორგანიზმი არ მიღალატებს რეგულარული ჩემპიონატის დარჩენილ ნაწილში. იმედია, „ყველა ვარსკვლავის მატჩში“ ჩემს ადგილს ის კალათბურთელი დაიკავებს, ვინც ეს ყველაზე მეტად დაიმსახურა. მაგალითად, დევონ ბუკერი „ფინიქსიდან“, - განაცხადა ლილარდმა ESPN-თან კომენტარში.

კალათბურთელი დღეს ჩაიტარებს სამედიცინო გამოკვლევას, რომლის შემდეგაც გახდება ცნობილი მოედანზე დაბრუნების სავარაუდო თარიღი.

220
მკითხველის კომენტარები / 0 /
მსგავსი ამბები
რუბრიკის სხვა სიახლეები
;