NBA. რეგულარული სეზონი: ლებრონმა ყველაფერი იცის

"კლივლენდმა" ზედიზედ ხუთმატჩიან წაგებათა სერია შეწყვიტა ჩიკაგოში. "ბულზის" დამარცხებაში ყველაზე დიდი წვლილი შეიტანა ლებრონ ჯეიმსმა, რომელმაც შეხვედრა გამთამაშებლის პოზიციაზე დაიწყო და საბოლოოდ, 34 ქულა და 13 შედეგიანი პასი დააგროვა.

აღსანიშნავია, რომ ბოლოს მცველის პოზიციაზე ჯეიმსმა 2012 წელს, "მაიამის" შემადგენლობაში ითამაშა.

სხვათა შორის, ლებრონმა "კლივლენდის" შემადგენლობაში 771-ე მატჩი ჩაატარა, რითაც გაუთანაბრდა კლუბის ყველა დროის რეკორდსმენს ჟიდრუნას ილგაუსკასს, რომელიც 1997-2010 წლებში გამოდიოდა "კავალიერზში".

აღვნიშნოთ "ჩიკაგოს" დებიუტანტ ლაური მარკანენის მიღწევა. ფინელმა მძიმე ფორვარდმა ხუთი სამქულიანი ჩააგდო და გახდა პირველი ახალბედა ლიგის ისტორიაში, რომელმაც პირველ სამ მატჩში 10 სამქულიანი ტყორცნა ჩააგდო.


სხვა მატჩები
* დღის მთავარი მოულოდნელობა იყო "მინესოტას" დიდი ანგარიშით მარცხი საკუთარ მოედანზე "ინდიანასთან". ამგვარი შედეგის მთავარი მიზეზი ის არის, რომ "პეისერსს" წაუვიდა ტყორცნები. ამ გუნდის ხუთმა კალათბურთელმა დააგროვა მინიმუმ 10 ქულა, სტუმრებმა კი თამაშიდან 66.7 პროცენტის სიზუსტით ისროლეს, რაც ახალი საკლუბო რეკორდია.

* აარონ გორდონმა კარიერის რეკორდი დაამყარა 41 ქულით და სწორედ მან ჩააგდო საფინალო სირენამდე 35 წამით ადრე გადამწყვეტი სამქულიანი, რამაც "ორლანდოს" "ბრუკლინთან" მოაგებინა. გორდონის ანგარიშზე ხუთიდან ხუთი ჩაგდებული სამქულიანი იყო.

* "კლიპერსმა" სამიდან სამი მოგებით დაიწყო სეზონი - კალიფორნიელებმა მესამე მატჩი "იუტას" მოუგეს ძალიან დამაჯერებლად. "კლიპერსის" ხუთმა კალათბურთელმა მინიმუმ 10 ქულა დააგროვა. მათ შორის იყო ოსტინ რივერსი, რომელსაც პირველი სტარტი ჰქონდა სეზონში და 16 ქულა დააგროვა.

* პორტლენდელმა სი ჯეი მაკალუმმა თავისი 23 ქულიდან 16 მეოთხე მეოთხედში ჩააგდო, მისმა გუნდმა კი 9:0 გაქცევით დაასრულა შეხვედრა "ნიუ ორლეანთან" და 103:93 გაიმარჯვა. აღსანიშნავია, რომ "პორტლენდმა" ზედიზედ მე-17 სეზონში შეძლო პირველი საშინაო მატჩის მოგება, რაც NBA-ის ახალი რეკორდია. "ბლეიზერსს" გაუჭირდა გამარჯვება იმის მიუხედავად, რომ "ნიუ ორლეანის" რიგებში მხოლოდ 5 წუთი ითამაშა ლიდერმა ენტონი დევისმა - მან მარცხენა მუხლის გამო ვერ შეძლო სრულფასოვნად თამაში.

* "ბოსტონმა" კრისტაპს პორზინგისის წინააღმდეგ დაცვაში კარგი თამაშის ხარჯზე შეძლო იოლად "ნიუ იორკის" დამარცხება. ლატვიელი სეზონის პირველ სამ თამაშში მინიმუმ 30 ქულას იღებდა, რაც აქამდე არც ერთ ნიუიორკელს არ გაუკეთებია, მაგრამ გუშინ, პორზინგისმა მხოლოდ 12 ქულა და 5 მოხსნის დაგროვება შეძლო. ყველაზე შედეგიანები კი "სელტიქსში" მისი 21-წლამდელები იყვნენ - ჯეილენ ბრაუნი (23 ქულა) და დებიუტანტი ჯეისონ ტატუმი (22 ქულა).

ორლანდო-ბრუკლინი 125:121
30:30, 31:31, 26:35, 38:25
ო: გორდონი (41+14 მოხსნა), ფურნიე (28+6 მოხსნა), ოგასტინი (19+6 პასი), ვუჩევიჩი (12+9 მოხსნა+3 დაფარება), სიმონსი (12).
ბ: რასელი (29), ჰოლის-ჯეფერსონი (18), კეროლი (17+6 მოხსნა), დევერტი (15+8 მოხსნა).

კლივლენდი-ჩიკაგო 119:112
28:38, 37:30, 26:24, 28:20
კ: ჯეიმსი (34+13 პასი), ლავი (20+12 მოხსნა), გრინი (16), კრაუდერი (11), უეიდი (11), კორვერი (11).
ჩ: ჰოლიდეი (25), მარკანენი (19+8 მოხსნა), ფელდერი (13), ვალენტაინი (13), გრანტი (12+6 მოხსნა+10 პასი), ლოპესი (11), ციპზერი (11+7 მოხსნა).

ბოსტონი-ნიუ იორკი 109:89
30:17, 23:16, 23:27, 33:29
ბ: ბრაუნი (23), ტატუმი (22), ირვინგი (20+7 პასი), ჰორფორდი (13+13 მოხსნა+5 პასი), ტაისი (11).
ნ-ი: კანტერი (16+19 მოხსნა), ლი (13), პორზინგისი (12), ერნანგომესი (12).

მინესოტა-ინდიანა 107:130
20:33, 41:28, 23:37, 23:32
მ: თაუნსი (28+7 პასი), ბიელიცა (18), კროუფორდი (18+9 პასი), მუჰამადი (14).
ი: ოლადიპო (28), ჯოზეფი (21), ბოგდანოვიჩი (19), კოლისონი (15+16 პასი), საბონისი (15+11 მოხსნა+5 პასი), ლიფი (11).

პორტლენდი-ნ. ორლეანი 103:93
29:19, 18:29, 24:25, 32:20
პ: მაკალუმი (23), ლილარდი (13+7 პასი), ტერნერი (13+7 მოხსნა), ნურკიჩი (12+7 მოხსნა), დევისი (12+10 მოხსნა).
ნ-ო: კაზინსი (39+13 მოხსნა), ჰოლიდეი (14+7 პასი), ნელსონი (10),.

კლიპერსი-იუტა 102:84
27:20, 15:21, 33:15, 27:28
კ: გრიფინი (22+9 მოხსნა), ბევერლი (19), რივერსი (16), გალინარი (14+6 მოხსნა), ჯორდანი (11+18 მოხსნა).
ი: მიტჩელი (19), გობერი (12+7 მოხსნა), სეფოლოშა (11+12 მოხსნა), რუბიო (10), ჯონსონი (10).

ყოველდღიური სპორტული გაზეთი "ლელო"
1098
მკითხველის კომენტარები / 0 /
მსგავსი ამბები
რუბრიკის სხვა სიახლეები
;