NBA. რეგულარული ჩემპიონატი: არც კარი, არც დურანტი, არც მოგება [VIDEO]

კევინ დურანტი და სტეფ კარი რა ძალას წარმოადგენენ კიდევ ერთხელ დავრწმუნდით. ეს მათ უთამაშებლად დაგვანახვეს: ტრავმების გამო, "გოლდენ სტეიტს" ვერ დაეხმარნენ და ოკლენდელებმაც ვერაფერი დააკლეს "საკრამენტო კინგზს", თან საკუთარ "ორაკლ არენაზე" - 106:110.

გადამწყვეტი ტყორცნა საფინალო სირენამდე 12 წამით ადრე ბოგდან ბოგდანოვიჩმა ჩააგდო, 110:106 დააფიქსირა და მატჩიც მოიგო.

ზაზა ფაჩულია სასტარტო ხუთეულში იყო, 14 წუთში სამ-სამი ქულა და მოხსნა, 4 პასი და 1 ჩაჭრა მოაგროვა. მატჩის ბომბარდირობა კლეი ტომპსონმა იკისრა - 21 ქულა, ხოლო "საკრამენტოში" 19 ქულით საუკეთესო კოული-შტაინი გახდა.

"გოლდენ სტეიტს" მომდევნო მატჩს ხვალ გამთენიისას "ლეიკერსის" წინააღმდეგ გამართავს. სტეფ კარი ითამაშებდა, კევინ დურანტის დაბრუნების თარიღი უცნობია.

დღის ფაქტები
- "დეტროიტმა" შეწყვიტა "ბოსტონის" რვამატჩიანი საშინაო მოგებათა სერია. სტუმრებმა გადამწყვეტ უპირატესობას ბოლოსკენ მიაღწიეს, როცა 13:3 გაქცევა მოაწყვეს.

- რვა მატჩამდე გაიზარდა "კლივლენდის" მოგებათა სერია. ეს შესაძლებელი გახდა ლებრონ ჯეიმსის 30 ქულის, 13 მოხსნისა და 6 შედეგიანი პასის, აგრეთვე, ტყორცნებისას მეტოქის ცუდი თამაშის წყალობით - "ფილადელფიამ" 37.5 პროცენტის სიზუსტით ისროლა და 28-დან მხოლოდ 3 (!) სამქულიანი მოათავსა კალათში. "სიქსერზმა" შეწყვიტა სამმატჩიანი მოგებათა სერია.

- ჯეიმს ჰარდენის 37 ქულის წყალობით, "ჰიუსტონმა" ზედიზედ მეხუთე მატჩი მოიგო. ჰარდენს 10 მოხსნა და 8 პასიც ჰქონდა და სულ ცოტა დააკლდა სამმაგ დუბლამდე. "როკეტსის" ლიდერმა პირველ მეოთხედში 20 ქულა ისე დააგროვა, რომ ტყორცნა არ აუცილებია.

- "ინდიანამ" 26-დან 15 სამქულიანი ჩააგდო, "ორლანდომ" - 41-დან მხოლოდ 16 და ზედიზედ მეცხრეჯერ დამარცხდა.

- ერთი მატჩის გამოტოვების შემდეგ, "ნიუ იორკს" კრისტაპს პორზინგისი დაუბრუნდა, მაგრამ "ნიქსმა" მაინც წააგო ზედიზედ მესამე მატჩი. "პორტლენდი" 26 ქულით იგებდა მეოთხე მეოთხედის სტარტზე, სირენამდე წუთით ადრე კი სხვაობა რვა ქულამდე დავიდა, მაგრამ "ნიქსმა" მატჩის გადარჩენა ვერ შეძლო.

- ლამარკუს ოლდრიჯმა 33 ქულით სეზონში შედეგიანობის პირადი რეკორდი დაამყარა. მან მერვე ორმაგი დუბლი შეასრულა, "სან ანტონიომ" კი "დალასი" დაამარცხა. ამ მატჩის მთავარი მოვლენა იყო ტონი პარკერის დაბრუნება. "სპურსის" გამთამაშებელმა პირველი მატჩი ჩაატარა სეზონში - თამაში სასტარტო ხუთეულიდან დაიწყო და 15 წუთში 6 ქულა და 4 პასი დააგროვა.

- "კლიპერსმა" ზედიზედ მეთერთმეტედ მოუგო "ლეიკერსს" ნომინალური მასპინძლის რანგში, გარდა ამისა, თანაქალაქელი მეტოქე ბოლო 22 მატჩიდან 20-ჯერ ჰყავს დამარცხებული. შეხვედრის დასრულება ვერ შეძლო "კლიპერსის" ლიდერმა ბლეიკ გრიფინმა, რომელიც მეოთხე მეოთხედში ლონზო ბოლს შეეჯახა და მარცხენა მუხლი დაიზიანა.

კვირის მოთამაშეები
"მაიამის" გამთამაშებელი გორან დრაგიჩი და "ნიუ ორლეანის" მძიმე ფორვარდი ენტონი დევისი გასული კვირის საუკეთესო მოთამაშეები გახდნენ.

აღმოსავლეთის ლაურეატმა დრაგიჩმა საშუალოდ მატჩში 23.7 ქულა და 4.3 შედეგიანი პასი დააგროვა, ხოლო ტყორცნების რეალიზაცია 57.9 პროცენტი ჰქონდა. სლოვენიელის გუნდმა სამიდან სამი მატჩი მოიგო.

რაც შეეხება ენტონი დევისს, მისი საშუალო სტატისტიკა 29.5 ქულა და 12.5 მოხსნა იყო, თამაშიდან ტყორცნების რეალიზაცია კი 58.6 პროცენტს უდრიდა. "ნიუ ორლეანმა" სამიდან ორი მატჩის მოგება შეძლო.

მემფისმა მწვრთნელი გაუშვა
ESPN-ის ინფორმაციით, "მემფისმა" მთავარი მწვრთნელის პოსტიდან დაითხოვა დევიდ ფიცდეილი. სეზონის ბოლომდე მისი მოვალეობების შემსრულებელი იქნება ასისტენტი ჯეი ბი ბიკერსტაფი.

ამ მომენტისთვის, "მემფისს" ზედიზედ რვამატჩიანი წაგებათა სერია აქვს და გუნდი მე-12 ადგილზეა დასავლეთ კონფერენციაში. ფიცდეილმა "გრიზლისი" 2016 წელს ჩაიბარა. მანამდე ის რვა სეზონი მუშაობდა "მაიამიში" მთავარი მწვრთნელის ასისტენტის რანგში.

ტომასი დეკემბერში უნდა დაბრუნდეს
"კლივლენდის" სამწვრთნელო შტაბს იმედი აქვს, რომ გამთამაშებელი აიზია ტომასი დეკემბერში მოახერხებს მოედანზე დაბრუნებას, - იტყობინება ESPN. როგორც ირკვევა, ბოლო პერიოდში ექსბოსტონელი ზრდის ვარჯიშებზე აქტიურობას.

ექიმების თავდაპირველი ვარაუდით, ბარძაყის ტრავმისგან ტომასის აღდგენას იანვარში ელოდნენ.

მიროტიჩი დებიუტს უახლოვდება
"ჩიკაგოს" ფორვარდი ნიკოლა მიროტიჩი უახლოვდება დებიუტს 2017-18 წლების სეზონში, - წერს ჩჰიცაგო შუნ-თიმეს.
ამასთან, აღნიშნავენ, რომ მიროტიჩი კვლავინდებურად არ ელაპარაკება თანაგუნდელ ბობი პორტისს. 17 ოქტომბერს, მასთან ჩხუბის შემდეგ, ესპანელმა ტვინის შერყევა და ყბის მოტეხილობა მიიღო.

ლენარდი თითქმის მწყობრშია
"სან ანტონიოს" მთავარმა მწვრთნელმა გრეგ პოპოვიჩმა განაცხადა, რომ კლუბის ლიდერი კავაი ლენარდი თითქმის სრულად გამოჯანმრთელდა ტრავმის შემდეგ და უახლოეს დროში დაბრუნდება მოედანზე.

"ის ძალიან ახლოს არის ამასთან, - ამბობს პოპოვიჩი. - იმედია, მალე დაუბრუნდება მოედანს".

ლენარდს ამ სეზონში ჯერ არც ერთი მატჩი არ აქვს ჩატარებული.

გ. სტეიტი-საკრამენტო 106:110
27:27, 28:26, 27:30, 24:27
გ-ს: ტომპსონი (21+5 მოხსნა), მაკქოუ (16+7 პასი+4 ჩაჭრა), გრინი (14+8 პასი), კასპი (9), ფაჩულია (3) - სასტარტო; იგუოდალა (11), ლივინგსტონი (10), იანგი (8), ვესტი (8+7 მოხსნა), ბელი (4+5 მოხსნა), მაკგი (2), ლუნი.
ს: ჰილი (16), ტემპლი (14), რენდოლფი (11+6 მოხსნა), ლაბისიერი (9), ფოქსი (6) - სასტარტო; კოული-შტაინი (19+8 მოხსნა+6 პასი), მეისონი (14), ბოგდანოვიჩი (12), ჰილდი (5), კარტერი (4).

ფილადელფია-კლივლენდი 91:113
22:29, 23:24, 28:33, 18:27
ფ: ემბიდი (30+11 მოხსნა), ლუვავუ-კაბარო (12+5 მოხსნა), მაკონელი (11+6 მოხსნა), რედიკი (11), სიმონსი (10+8 მოხსნა+3 ჩაჭრა), შარიჩი (8+10 მოხსნა).
კ: ჯეიმსი (30+14 მოხსნა+6 პასი), უეიდი (15+5 პასი), გრინი (14+10 მოხსნა), ლავი (13), ფრაი (12), სმიტი (11).

ინდიანა-ორლანდო 121:109
33:25, 24:25, 28:34, 36:25
ი: ოლადიპო (26+6 მოხსნა+5 პასი+4 დაფარება), ბოგდანოვიჩი (22), საბონისი (19+8 მოხსნა+5 პასი), სტივენსონი (18+8 მოხსნა+5 პასი), ტერნერი (18).
ო: სიმონსი (21), გორდონი (16+6 მოხსნა+4 დაფარება), ვუჩევიჩი (16+12 მოხსნა+3 დაფარება), პეიტონი (15+5 პასი), ფურნიე (12), ოგასტინი (11).

ნიუ იორკი-პორტლენდი 91:103
23:30, 14:23, 27:37, 27:13
ნ-ი: პორზინგისი (22+7 მოხსნა), ჰარდუეი (16), ლი (14), ო"ქუინი (8+11 მოხსნა).
პ: ლილარდი (32+5 პასი), კონაუტონი (17), ნურიკიჩი (12+9 მოხსნა+6 პასი), მაკალუმი (12+7 მოხსნა), ტერნერი (10), ვონლე (8+12 მოხსნა).

ბოსტონი-დეტროიტი 108:118
23:31, 34:29, 29:26, 22:32
ბ: სმარტი (23+6 პასი), ირვინგი (18+9 პასი), მორისი (13), ჰორფორდი (11+5 მოხსნა), ტატუმი (10).
დ: ჰარისი (31+8 მოხსნა), დრამონდი (26+22 მოხსნა+6 პასი+4 ჩაჭრა), ჯექსონი (20+7 პასი), ბრედლი (13+5 პასი).

ჰიუსტონი-ბრუკლინი 117:103
43:26, 23:29, 30:25, 21:23
ჰ: ჰარდენი (37+10 მოხსნა+8 პასი), კაპელა (20+6 მოხსნა), ანდერსონი (13), გორდონი (12), არიზა (11+6 მოხსნა), პოლი (4+6 მოხსნა+14 პასი).
ბ: უაიტჰედი (24), დინუიდი (14+7 პასი), ლევერტი (13+6 პასი), კილპატრიკი (12+6 მოხსნა), ჰარისი (10), ზელერი (10).

სან ანტონიო-დალასი 115:108
21:23, 25:30, 31:22, 38:33
ს-ა: ოლდრიჯი (33+10 მოხსნა+3 დაფარება), პ. გასოლი (25+6 მოხსნა), ანდერსონი (12+10 მოხსნა+5 პასი), გრინი (12+5 მოხსნა+5 პასი), მილსი (12+5 პასი), ფორბსი (11).
დ: მეტიუზი (19), სმიტი (19+5 პასი), ბარეა (16+5 მოხსნა+6 პასი), ჰარისი (13), ბარნსი (13+8 მოხსნა), ნოვიცკი (11), პაუელი (10+5 მოხსნა+4 ჩაჭრა).

კლიპერსი-ლეიკერსი 120:115
34:32, 26:30, 27:27, 33:26
კ: ლ. უილიამსი (42), გრიფინი (26+11 მოხსნა+6 პასი), რივერსი (19+8 მოხსნა+6 პასი).
ლ: კოლდუელ-პოუპი (29+6 მოხსნა), ინგრემი (17+5 მოხსნა), კლარკსონი (17+8 მოხსნა+5 პასი), კუზმა (15), რენდლი (11).

ყოველდღიური სპორტული გაზეთი "ლელო"
1020
მკითხველის კომენტარები / 0 /
მსგავსი ამბები
რუბრიკის სხვა სიახლეები
;