NBA. რეგულარული ჩემპიონატი: გასეირნება მაიამიში [VIDEO]

"გოლდენ სტეიტმა" ფლორიდაზე მეორე მატჩი გამართა, "ორლანდოს" შემდეგ "მეომრებმა" "მაიამიც" იოლად დაამარცხეს - 123:95.

იოლადო კი დავწერეთ, მაგრამ პირველი ტაიმის მიხედვით ნამდვილად რთული იყო ფავორიტის გარკვევა. "მაიამიმ" გორან დრაგიჩის წინამძღოლობით პირველ მეოთხედში 36 ქულა ჩააგდო.

გადამწყვეტი გამოდგა მესამე 12-წუთეული, რომელშიც "გოლდენ სტეიტმა" 37:17 მოიგო და საქმეც აქ მოითავა.

წარმატებაში 30-ქულიანი წვლილი მიუძღვის 30-ე ნომერ სტეფ კარის (16-დან 11 ბურთი ჩააგდო, მათ შორის, ცხრიდან ხუთი სამქულიანი), 24 ქულა ჩააგდო კევინ დურანტმა, ხოლო ზაზა ფაჩულიას მონაგარი 18 წუთში 8 ქულა, 4 მოხსნა და 2 შედეგიანი გადაცემა იყო. ზაზამ 4-დან 3 ორქულიანი და 3-დან 2 საჯარიმო მიითვალა.

ევროპის ჩემპიონმა გორან დრაგიჩმა "გოლდენ სტეიტს" 20 ქულა ჩაუგდო, არადა, წინა სამ მატჩში ათ ქულამდე ვერ ადიოდა - 6.7 ქულას აგროვებდა და 30.0 პროცენტის სიზუსტით ესროდა.

ზაზა და მისი თანაგუნდელები მომდევნო მატჩს კვლავ სტუმრად გამართავდნენ - დღეს გამთენიისას, ნიუ ორლეანში "პელიკანსის" წინააღმდეგ. "გოლდენ სტეიტს" გასვლაზე სამმატჩიანი მოგებათა სერია აქვს.

დღის ფაქტები
* ჯეიმს ჰარდენის 36 ქულისა და 9 შედეგიანი პასის დახმარებით, "ჰიუსტონმა" ზედიზედ მეექვსე გასვლითი მატჩი მოიგო, თანაც ყველაში მინიმუმ 15 ქულით იმარჯვებდა, რაც NBA-ის რეკორდია.

* რასელ უესტბრუკმა 22 ქულით, 10 მოხსნითა და 10 შედეგიანი პასით სეზონში მეშვიდე სამმაგი დუბლი შეასრულა. "ოკლაჰომამ" მხოლოდ სამი ქულა მოუგო "სან ანტონიოს", რომელსაც ტრავმების გამო აკლდა კავაი ლენარდი, ლამარკუს ოლდრიჯი, რუდი გეი, ტონი პარკერი და მანუ ჯინობილი.

* ჯიმი ბატლერმა სეზონში შედეგიანობის პირადი რეკორდი დაამყარა - 33 ქულა ჩააგდო, აქედან 20 ქულა მეოთხე მეოთხედზე მოდის. კარლ-ენტონი თაუნსმა კი 15 ქულითა და 12 მოხსნით სეზონში მე-19 ორმაგი დუბლი შეასრულა და ლიდერობს ლიგას ამ მაჩვენებლით.

* "ორლანდომ" პირველ მეოთხედში მოიპოვა "ნიქსის" წინააღმდეგ 17-ქულიანი უპირატესობა და მოახერხა მატჩის მოგებამდე მიყვანა. სტუმრების სასტარტო ხუთეულის ყველა წევრმა შეძლო მინიმუმ 10 ქულის აღება. ჯამში მათ გუნდური 105 ქულიდან 95 მოაგროვეს, ყველაზე შედეგიანი კი ნიკოლა ვუჩევიჩი იყო 34 ქულით. "ნიუ იორკს" ამ მატჩში თავისი ორი საუკეთესო ბომბარდირი აკლდა - კრისტაპს პორზინგისი და ტიმ ჰარდუეი.

NBA. რეგულარული ჩემპიონატი
მაიამი-გ. სტეიტი 95:123
36:33, 24:29, 17:37, 18:24
მ: დრაგიჩი (20), რიჩარდსონი (12), ადებაიო (9), უინსლოუ (7), უეიტერსი (4) - სასტარტო; ოლინიკი (14+7 მოხსნა+5 პასი), ჯონსონი (13), ელინგტონი (9), ჯონსონი (5+5 მოხსნა), მიკი (2).
გ-ს: კარი (30), დურატი (24+7 პასი), ტომპსონი (19+5 მოხსნა), ფაჩულია (8), გრინი (4+7 მოხსნა+9 პასი) - სასტარტო; კასპი (10+5 მოხსნა), ვესტი (8+5 მოხსნა), იანგი (8), ბელი (4), ლუნი (4), მაკქოუ (2), მაკგი (2).

ნიუ იორკი-ორლანდო 100:105
25:36, 26:18, 25:24, 24:27
ნ-ი: ბიზლი (21), ლი (19+5 მოხსნა), კანტერი (18+16 მოხსნა), ტომასი (11+5 მოხსნა).
ო: ვუჩევიჩი (34+12 მოხსნა), ფურნიე (20), სიმონსი (16+7 მოხსნა), პეიტონი (15+6 მოხსნა+5 პასი), გორდონი (10).

მინესოტა-კლიპერსი 112:106
31:27, 29:28, 18:21, 34:30
მ: ბატლერი (33+8 მოხსნა), გიბსონი (20+11 მოხსნა), თაუნსი (15+12 მოხსნა), უიგინსი (12), კროუფორდი (12), ტიგი (9+10 პასი).
კ: რივერსი (30+5 მოხსნა+5 პასი), ლუ უილიამსი (23+5 მოხსნა+10 პასი), ჯორდანი (17+12 მოხსნა), ჰარელი (10).

ოკლაჰომა-სან ანტონიო 90:87
25:18, 29:25, 22:30, 14:14
ო: უესტბრუკი (22+10 მოხსნა+10 პასი), ადამსი (19+10 მოხსნა).
ს-ა: მიურეი (17+11 მოხსნა+5 პასი), ბერტანსი (16+ 5 დაფარება), ლოვერნი (12+6 მოხსნა).

ლეიკერსი-ჰიუსტონი 95:118
27:27, 19:34, 27:24, 22:33
ლ: კუზმა (22+12 მოხსნა), ინგრემი (18+9 მოხსნა+5 პასი), კოლდუელ-პოუპი (16), ნენსი (15+8 მოხსნა), ლოპესი (10+5 მოხსნა).
ჰ: ჰარდენი (36+9 პასი), გორდონი (22), პოლი (21+6 პასი), კაპელა (8+13 მოხსნა).

ყოველდღიური სპორტული გაზეთი "ლელო"
382
მკითხველის კომენტარები / 0 /
მსგავსი ამბები
რუბრიკის სხვა სიახლეები