NBA. რეგულარული ჩემპიონატი: ოკლენდელებმა ზედიზედ მეშვიდედ მოიგეს

"გოლდენ სტეიტ უორიორსმა" აღმოსავლეთის კონფერენციის ერთ-ერთ გამორჩეულ გუნდს, "ორლანდო მეჯიქს" "ორაკლ არენაზე" უმასპინძლა და მასაც თავისი ადგილი მიუჩინა - 110:100.

ეს გახლდათ "მეომრების" ზედიზედ მეშვიდე გამარჯვება მიმდინარე სეზონში. მათ 14 მატჩიდან 11 აქვთ მოგებული. მომდევნო შეხვედრას 17 ნოემბერს აღმოსავლეთის კონფერენციის პირველადგილოსან "სელტიკსთან" სტუმრად გამართავენ.

- NBA: ზაზა ფაჩულია - 100, ორლანდო - 100, გოლდენ სტეიტი - 110 [VIDEO]

დღის ფაქტები

* დღის სასწაულის ავტორი გახდა "კლივლენდი", რომელმაც 24-ქულიანი ჩამორჩენა გააბათილა "ნიქსის" წინააღმდეგ და 104:101 მოიგო. "ნიუ იორკმა" მაქსიმალურ უპირატესობას მესამე მეოთხედში მიაღწია, მეოთხე მეოთხედი 15-ქულიანი უპირატესობით დაიწყო და ორნიშნა სხვაობას ინარჩუნებდა საფინალო სირენამდე 6.35 წუთით ადრე. "კავალიერზმა" ბოლო ოთხწუთნახევარში ოთხი სამქულიანი ჩააგდო, მათ შორის, ორი კაილ კორვერის ანგარიშზეა, შეხვედრა კი სტუმრებმა 8:0 გაქცევით დაასრულეს.

ლებრონ ჯეიმსმა 23 ქულა, 12 შედეგიანი პასი და 9 მოხსნა დააგროვა და ერთი მოხსნა არ ეყო სამმაგ დუბლამდე.

* "ვაშინგტონმა" ზედიზედ მესამე გამარჯვებას მიაღწია. ამ გუნდმა სეზონის სტარტზე სამიდან სამი მატჩი მოიგო, შემდეგ შვიდიდან ხუთჯერ დამარცხდა, მაგრამ, ახლა, ისევ დაიწყო მოგება.

* "მილუოკიმ" ზედიზედ მესამედ მოიგო.

* დარიუს მილერმა ბოლო 5 წუთსა და 45 წამში ოთხი სამქულიანი ჩააგდო, მეოთხე მეოთხედში 14 ქულა დააგროვა და "ნიუ ორლეანს" მოაგებინა.

* "ლეიკერსისა" და "ფინიქსის" მატჩში არც ერთ გუნდს არ ჰქონია ორნიშნა უპირატესობა. ლოსანჯელესელებმა შეწყვიტეს სამმატჩიან წაგებათა სერია.

* "პორტლენდმა" 52.1 პროცენტის სიზუსტით ისროლა "დენვერთან" მატჩში, რაც ამ სეზონში გუნდის საუკეთესო მაჩვენებელია.

კვირის მოთამაშეები
ეროვნულმა საკალათბურთო ასოციაციამ გასული კვირის საუკეთესო მოთამაშეებმად "დეტროიტის" ფორვარდი ტობიას ჰარისი და "დენვერის" ცენტრი ნიკოლა იოკიჩი დაასახელა.

ჰარისი თავის გუნდს სამიდან სამი მატჩის მოგებაში დაეხმარა. მისი საშუალო სტატისტიკა 21.3 ქულა და 7.7 მოხსნა იყო. რაც შეეხება დასავლეთ კონფერენციის ლაურეატ იოკიჩს, მან საშუალო ორმაგი დუბლი შეასრულა - 22.7 ქულა და 13.3 მოხსნა, მისმა გუნდმა კი სამიდან სამი მატჩი მოიგო.

NBA. რეგულარული ჩემპიონატი
გ. სტეიტი-ორლანდო 110:100
27:29, 29:27, 32:19, 22:25
გ-ს: დურანტი (21+7 მოხსნა+8 პასი), გრინი (20+5 პასი), ლივინგსტონი (16+6 პასი), ტომპსონი (15+5 პასი), ფაჩულია (4+8 მოხსნა) - სასტარტო; იანგი (9), ლუნი (8+5 მოხსნა), იგუოდალა (5), მაკგი (4), კასპი (4+6 მოხსნა), ვესტი (4+11 მოხსნა+5 პასი).
ო: ვუჩევიჩი (20+5 მოხსნა), ფურნიე (16), როსი (11), გორდონი (10+10 მოხსნა), პეიტონი (4+5 პასი) - სასტარტო; სიმონსი (13), სპეიტსი (9), ბიომბო (8+7 მოხსნა), მაკი (4+7 პასი), აფლალო (3), ჰეზონია (2).

ვაშინგტონი-საკრამენტო 110:92
25:32, 32:19, 29:20, 24:21
ვ: უოლი (21+9 პასი), გორტატი (18+7 მოხსნა), პორტერი (15+7 მოხსნა), სკოტი (15+5 მოხსნა), ბილი (14+7 მოხსნა+7 პასი), უბრე (12+8 მოხსნა).
ს: ჰილი (16), რენდოლფი (12+9 მოხსნა), ჰილდი (12+3 ჩაჭრა), ტემპლი (11), ლაბისიერი (11), ფოქსი (10+5 პასი).

ნიუ იორკი-კლივლენდი 101:104
22:25, 29:13, 25:23, 25:43
ნ-ი: ჰარდუეი (28+10 მოხსნა+5 პასი), პორზინგისი (20+7 მოხსნა), კანტერი (20+16 მოხსნა), ლი (15).
კ: ჯეიმსი (23+9 მოხსნა+12 პასი+3 დაფარება), კორვერი (21+5 მოხსნა), უეიდი (15+8 მოხსნა), კრაუდერი (13).

მილუოკი-მემფისი 110:103
34:29, 26:36, 24:12, 26:26
მილ: ანტენტოკუნმპო (27+9 მოხსნა+7 პასი), მიდლტონი (17), ჰენსონი (17+8 მოხსნა), ბლედსოუ (15+7 მოხსნა), ბროგდონი (10).
მემ: ევანსი (27+6 მოხსნა), ბრუქსი (19), მ. გასოლი (16+10 მოხსნა+6 პასი), ჩელმერსი (14+5 მოხსნა+6 პასი), რაიტი (10).

ნ. ორლეანი-ატლანტა 106:105
23:32, 22:18, 33:30, 28:25
ნ-ო: მური (24), კაზინსი (22+16 მოხსნა+7 პასი+3 ჩაჭრა), მილერი (21), დევისი (13+10 მოხსნა+7 პასი+4 დაფარება), ჰოლიდეი (13+5 მოხსნა+5 პასი).
ა: ბეიზმორი (22+7 პასი), კავანო (16+6 მოხსნა), ბელინელი (14+4 ჩაჭრა), კოლინზი (12+6 მოხსნა), ბებიტი (12), დედმონი (11+6 მოხსნა), შრიოდერი (11+5 პასი).

იუტა-მინესოტა 98:109
14:33, 28:24, 23:31, 33:21
ი: მიტჩელი (24+4 ჩაჭრა), ჰუდი (16), სეფოლოშა (13), ჟერებკო (13+6 მოხსნა), ბერკსი (11), ფეივორსი (9+10 მოხსნა).
მ: თაუნსი (24+13 მოხსნა), ტიგი (22), ბატლერი (21+10 პასი), გიბსონი (15+10 მოხსნა), უიგინსი (11).

ფინიქსი-ლეიკერსი 93:100
20:21, 24:22, 29:31, 20:26
ფ: ბუკერი (36), უორენი (23+8 მოხსნა), ბენდერი (15+5 მოხსნა), ჩენდლერი (7+15 მოხსნა).
ლ: კლარკსონი (25), ლოპესი (15+10 მოხსნა), კოლდუელ-პოუპი (15+9 მოხსნა), ბრიუერი (13), კრისი (11+6 მოხსნა).

პორტლენდი-დენვერი 99:82
25:21, 29:28, 30:17, 15:16
პ: ნურკიჩი (17+5 მოხსნა), მაკალუმი (17), ლილარდი (15+5 მოხსნა+7 პასი+4 ჩაჭრა), ტერნერი (14+5 პასი), ვონლე (8+10 მოხსნა).
დ: მილსეპი (18+5 მოხსნა), მიურეი (18+5 მოხსნა), ჩენდლერი (14+7 მოხსნა+6 პასი), ბარტონი (12+5 მოხსნა).

კლიპერსი-ფილადელფია 105:109
28:36, 25:19, 26:22, 26:32
კ: გრიფინი (29+6 მოხსნა+5 პასი), ლ. უილიამსი (31+7 მოხსნა+6 პასი+5 დაფარება), რივერსი (11).
ფ: ემბიდი (32+16 მოხსნა), კოვინგტონი (31+6 მოხსნა+4 ჩაჭრა), სიმონსი (22+12 მოხსნა), რედიკი (10+6 პასი).

856
მკითხველის კომენტარები / 0 /
მსგავსი ამბები
რუბრიკის სხვა სიახლეები
;