NBA: სან ანტონიო წარსულია... ზაზა და გოლდენ სტეიტი გავიდნენ

პლეი ოფის პირველი ეტაპი "გოლდენ სტეიტმა" წარმატებით დაძლია. "სან ანტონიო სპურსს" ზედიზედ სამი მატჩი მოუგო, მეოთხეში კი დამარცხდა. საჭირო იყო ერთადერთი გამარჯვება, რასაც ზაზა ფაჩულიას გუნდმა 25 აპრილს მიაღწია და სერია 4:1 მოიგო.

მეხუთე შეხვედრა ოკლენდის "ორაკლ არენაზე" გაიმართა და "უორიორსის" გამარჯვებით, 99:91 დასრულდა.

როგორც ყოველთვის, ამჯერადაც კევინ დურანტი და კლეი ტომპსონი გამოირჩნენ. პირველმა 25 ქულა ჩააგდო, მეორემ - 24.

პლეიოფის მომდევნო ეტაპზე "გოლდენ სტეიტი" "ნიუ ორლეან პელიკანსს" შეხვდება, რომელმაც "პორტლენდი" 4:0 დაამარცხა.

1221
მკითხველის კომენტარები / 0 /
მსგავსი ამბები
რუბრიკის სხვა სიახლეები
;