NBA. საუკუნის სიმბოლური: ახალი ეპოქის აღორძინება

თამამად შეიძლება ითქვას, რომ ბოლო 20 წლის განმავლობაში, ეროვნულმა საკალათბურთო ასოციაციამ მნიშვნელოვანი ზრდა განიცადა ოსტატობის მხრივ.

2000-01 წლების სეზონი, ერთგვარად, გარდამტეხი მომენტი გახდა. აქედან დაიწყო კალათბურთის ახალი ეპოქის აღორძინება.

ბუნებრივია, 18 წლის განმავლობაში ბევრი მოვლენა მოხდა. NBA-ში დიდების დარბაზის ათობით მომავალი წევრი თამაშობდა, რომლებსაც თავიანთი გუნდები წარმატებისკენ მიჰყავდათ. ვებგვერდ ფადეაწაყწორლდ-ის მიმომხილველებმა შეადგინეს 2000-18 წლების პერიოდის, ანუ XXI საუკუნის NBA-ის საუკეთესო მოთამაშეების სიმბოლური ნაკრები...

გამთამაშებელი: სტივენ კარი
ალტერნატივა: სტივ ნეში

ბევრი შეიძლება არ დაეთანხმოს ამ არჩევანს, მაგრამ, ასეა თუ ისე, სტივენ კარი ათწლეულის ყველაზე წარმატებული გამთამაშებელია. მან ბოლო ოთხი სეზონის განმავლობაში სამი ჩემპიონობა მოიპოვა, აგრეთვე, კოლექციაში აქვს MVP-ის ორი დამსახურებული ტიტული.

კარიმ აღიარებამდე გრძელი გზა გაიარა და რამდენიმე ტრავმა გადაიტანა. ახლა, ის არის უდიადესი შუტერი კალათბურთის ისტორიაში. აქვს ფანტასტიკური ტექნიკა და ერთ-ერთი ყველაზე დაუფასებელი გამთამაშებელია ლიგაში.

შემტევი მცველი: კობი ბრაიანტი
ალტერნატივა: დუეინ უეიდი

კობი ბრაიანტი დღეს მიჩნეულია უდიადეს მოთამაშედ "ლოს ანჯელეს ლეიკერსის" ისტორიაში, NBA-ის ხუთგზის ჩემპიონი, რომელმაც ეს გუნდი უმაღლეს დონეზე აიყვანა. რა თქმა უნდა, მას დიდი დამხმარეები ჰყავდა შაკილ ო"ნილისა და პაუ გასოლის სახით.

ბრაიანტის მენტალიტეტმა ძლიერი მემკვიდრეობა შექმნა. ყველა ახალგაზრდა კალათბურთელს უნდა Mამბა Mენტალიტყ-ის მოპოვება. გამარჯვებისკენ სწრაფვა, მკაცრი დაცვა ძლიერი მოწინააღმდეგის წინააღმდეგ, შესანიშნავი თამაში სამწამიანში და პრიზების დიდი კოლექცია აქცევს ბრაიანტს საუკეთესო შემტევ მცველად ამ საუკუნეში.

მსუბუქი ფორვარდი: ლებრონ ჯეიმსი
ალტერნატივა: კევინ დურანტი

NBA ლებრონ ჯეიმსის ლიგა გახდა 2003 წლიდან მოყოლებული. ყოველ შემთხვევაში, აღმოსავლეთ კონფერენციის ნაწილში. "მეფე" ზედიზედ რვაჯერ გავიდა NBA-ის ფინალში, თუმცა, მხოლოდ სამი საჩემპიონო ბეჭედი აქვს მოგებული. ჯეიმსი საუკეთესო მსუბუქი ფორვარდია კალათბურთის ისტორიაში.

ლებრონი - ერთ-ერთი იშვიათი მოთამაშეა, რომელსაც უპრობლემოდ შეუძლია ხუთივე პოზიციაზე თამაში. როგორც ჩანს, ჯეიმსს უდიადესი საკალათბურთო IQ აქვს ისტორიაში. ის შესანიშნავი მცველია, დამაჯერებელი მომხსნელი, ბრწყინვალე მეპასე და სტაბილური მექულე.

მძიმე ფორვარდი: ტიმ დანკანი
ალტერნატივა: კევინ დურანტი

ტიმ დანკანის იგნორირება არავითარ შემთხვევაში არ შეიძლება. შრომითმა ეთიკამ დანკანი აქცია ერთ-ერთ ყველაზე პატივსაცემ მოთამაშედ მთელი კარიერის განმავლობაში. დანკანი - ერთ-ერთი მთავარი მიზეზია იმისა, თუ რატომ მოიგო "სან ანტონიომ" NBA-ის ხუთი ტიტული.

დანკანის საერთო გავლენა სტატისტიკის ფარგლებს სცილდებოდა. ტიმი - ერთ-ერთი ყველაზე მრავალმხრივი ბიგმენია, ვისაც კი ოდესმე კალათბურთი უთამაშია. შეტევაში არასტანდარტული და ნაკლებად სანახაობრივი თამაშის მიუხედავად, დანკანი დომინირებდა ფარქვეშ და ახლო მანძილიდან სროლების დროს.

ცენტრი: შაკილ ო"ნილი
ალტერნატივა: დუაიტ ჰოვარდი

შაკილ ო"ნილი ყველაზე დომინირებადი მოთამაშეა კალათბურთის ისტორიაში მაიკლ ჯორდანის შემდეგ. ეს აშკარა ფაქტია. მისი შეჩერება შეუძლებელი იყო. ის არ აძლევდა საშუალებას მეტოქეებს - მშვიდად გადაადგილებულიყვნენ მოედანზე.

შაკის ფიზიკური დომინირება იმდენად ძლიერი იყო, რომ არავის შეეძლო მისი შეჩერება მოედნის ერთ მხარეს. ო"ნილის აქტივში რამდენიმე შთამბეჭდავი გამოსვლა იყო NBA-ის ფინალებში.

მეექვსე მოთამაშე: ალენ აივერსონი
ალტერნატივა: დირკ ნოვიცკი

ალენ აივერსონი - ერთ-ერთი ყველაზე ნიჭიერი მოთამაშეა კალათბურთის ისტორიაში. მან მოიგო ყველაფერი ჩემპიონის ტიტულის გარდა. აივერსონი საშინელ დღეში აგდებდა მოწინააღმდეგეებს თავისი ცრუმოძრაობებით, ბურთის დამუშავებით, კროსოვერებით. ალენი უფრო დისციპლინირებული რომ ყოფილიყო და უკეთესი მხარდაჭერა ჰქონოდა, იოლად მოიგებდა სამ ან ოთხ ტიტულს.

მეორეს მხრივ, არ შეიძლება არ აღვნიშნოთ დირკ ნოვიცკი - მოთამაშე, რომელიც რეკორდს დაამყარებს ერთ კლუბში გატარებული სეზონების რაოდენობით - მალე ის 21-ე ჩემპიონატს დაიწყებს "დალასის" შემადგენლობაში. დირკი მეტად სტაბილური იყო მთელი კარიერის განმავლობაში. ნოვიცკი - საუკეთესო შუტერია NBA-ის ისტორიაში ბიგმენებს შორის.

ყოველდღიური სპორტული გაზეთი "ლელო"
1859
მკითხველის კომენტარები / 1 /
Gela
0
Stiven ara stephen currya eg
მსგავსი ამბები
რუბრიკის სხვა სიახლეები
;