NBA: სტეფ კარი დაბრუნდა, 'პელიკანებს' ენა გამოუყო

ზაზა ფაჩულიას "გოლდენ სტეიტმა" დასავლეთის კონფერენციის 1/2 ფინალში მეორედაც დაამარცხა "ნიუ ორლეან პელიკანსი". ამჯერად 121:116 და სერიაში 2:0 დაწინაურდა. ეს გუნდები ნიუ ორლეანში გადაინაცვლებენ და ბრძოლას "პელიკანსის" მოედანზე განაგრძობენ. შეგახსენებთ, რომ სერია ოთხ მოგებამდეა.

ხანგრძლივი შესვენების შემდეგ "გოლდენ სტეიტს" დაუბრუნდა ლიდერი სტეფ კარი, რომელმაც 28 ქულა ჩააგდო და პლუს-მინუსებში საოცარი მაჩვენებელი ჰქონდა: +26. რაც იმას ნიშნავს, რომ როდესაც კარი მოედანზე იყო, "მეომრები" 26 ქულით დაწინაურდნენ. მის მომდევნოს, დრეიმონდ გრინს +6 ეწერა, ხოლო კლეი ტომპსონს სულაც -8...

დურანტმა 29 ქულა ჩააგდო, ხოლო გრინს სამმაგ დუბლამდე კინკილა მოხსნა დააკლდა: 20 ქულა, 12 პასი, 9 მოხსნა. ზაზა ფაჩულიას არ უთამაშია, ისევე როგორც მაკგის, ბელსა და კუკს.

სერიის მესამე მატჩი 5 მაისს ნიუ ორლეანში გაიმართება.

1455
მკითხველის კომენტარები / 1 /
A kido
0
Magaria ai shechvenebuli
მსგავსი ამბები
რუბრიკის სხვა სიახლეები
;