NBA-ს დრაფტი: კოკოშკოვმა დონჩიჩს ჩაუარა და აიტონი აირჩია

ამერიკაში გაიმართა ნაციონალური საკალათბურთო ასოციაციის დრაფტი, რომელშიც მონაწილეობა უნდა მიეღო ქართველ წინახაზელ გოგა ბითაძეს, თუმცა მან და მისმა აგენტმა კანდიდატურა დრაფტის დაწყებამდე ორი კვირით ადრე მოხსნეს.

ქართველის არყოფნის მიუხედავად ჩვენთვის კარგად ნაცნობი ხალხი ერია წლევანდელ დრაფტში. პირველ ნომრად არჩევის უფლება "ფინიქს სანსს" ჰქონდა, რომლის მთავარ მწვრთნელად საქართველოს ნაკრების ყოფილი თავკაცი იგორ კოკოშკოვი დაინიშნა.

იწერებოდა, რომ მას შეიძლება სელვენიელი ლუკა დონჩიჩი აერჩია, რომელთან ერთადაც 2017 წელს ევრობასკეტი მოიგო. თუმცა ამერიკაში მხოლოდ მწვრთნელი არ წყვეტს ვის აიყვანს დრაფტზე. პირველ ნომრად "ფინიქსმა" პერსპექტიული ახალგაზრდა ცენტრი დეანდრე აიტონი (216 სმ) აირჩია.

მეორე ნომრად "საკრამენტო კინგსმა" მძიმე ფორვარდიმერვინ ბეგლი აიყვანა, ხოლო ლუკა დონჩიჩი მესამე იყო. იგი "ატლანტა ჰოქსში" მოხვდა...

უფრო სწორად, დრაფტის ცერემონიელზე გამოაცხადეს, "ჰოქსმა" აირჩიაო, თუმცა ღონისძიების დასრულებისთანავე "ატლანტამ" დონჩიჩი "დალასს" დაუთმო, სანაცვლოდ კი დალასელებმა დრაფტის მე-5 ნომერი ტრაე იანგიც დაუთმეს.

1733
მკითხველის კომენტარები / 0 /
მსგავსი ამბები
რუბრიკის სხვა სიახლეები
;