NBA-ს ოფიციალური საიტი გოგა ბითაძეის პლუსებსა და მინუსებზე [VIDEO]

20 ივნისს ქართული სპორტისთვის უმნიშვნელოვანესი დღეა - გაიმართება NBA-ს დრაფტი, რომელშიც 19 წლის ქართველს, გოგა ბითაძეს პირველ წრეში აირჩევენ.

მართალია, ამერიკელების წინასწარი დაპირებები ყოველთვის არ მართლდება, ყოფილა შემთხვევები, დაპირებიან და მოუტყუებიათ, მაგრამ საქართველოს ნაკრების წევრ გოგა ბითაძეს იმდენად კარგი სეზონი ჰქონდა, იმდენად მომზადებულია ამერიკისთვის, რომ სკაუტებისთვის ერთ-ეღტი ყველაზე სასურველი ვარიანტია.

სწორედ ამიტომ ვწერთ, რომ პირველ წრეში, ოცდაათეულში უნდა აირჩიონ.

NBA-ს ოფიციალურ საიტზე გამოქვეყნდა ერიკ ფეივსეტის ვრცელი ანალიზე გოგა ბითაძეზე სათაურით: პლუსები, მინუსები და შედარება...

"ოკეანის გაღმიდან კიდევ ერთ სუპერვარსკვლავს ველით - წლევანდელი დრაფტის ერთ-ერთი ყველაზე საინტერესო კალათბურთელი ქართველი მსროლელი ცენტრი გოგა ბითაძე იქნება.

იგი აღმოსავლეთ ევროპის პატარა ქვეყნიდან, საქართველოდანაა, პროფესიონალური დებიუტი 16 წლისას ვითიბი ლიგაზე ჰქონდა (ამ შეჯიბრების ყველაზე ახალგაზრდა დებიუტანტი გახლდათ), მას მერე ძალიან გაუმჯობესდა და საკუთარი სახელი NBA-ს სკაუტების რუკაზე მსხვილად დაწერა.
2019 წლის დრაფტზე ბითაძის სოლიდურობას მატებს მისი გამოსვლა მონტენეგროულ კლუბ "ბუდუჩნოსტში". ბითაძესთან ერთად მონტენეგროელები ევროლიგაზე ასპარეზობდნენ და ბევრი ფავორიტიც დაამწუხრეს.

ევროლიგა ნაციონალური საკალათბურთო ასოციაციის შემდეგ სიძლიერით მეორე ლიგაა მსოფლიოში. ამ შეჯიბრებაში ბითაძე ზედმეტად თავდაჯერებული ჩანდა თავის ასაკთან შედარებით - 12.1 ქულა, 6.4 მოხსნა, 2.3 დაფარება. 19 წლის ქართველმა სეზონის დასრულების შემდეგ ევროლიგის ამომავალი ვარსკვლავის ჯილდო დაიმსახურა, რომელსაც ამ ტურნირზე 22-წლამდე გამორჩეულ ახალგაზრდას ანიჭეენ.
თუ უფრო კონკრეტულად გაინტერესებთ, გეტყვით, რომ 2018 წელს ევროლიგის ამომავალი ვარსკვლავის ჯილდო სლოვენიელმა ლუკა დონჩიჩმა მიიღო. სწორედ დონჩიჩის მაგალითზე შეიძლება ვივარაუდოთ, რომ ამერიკაში გადმოსვლის შემდეგ ბითაძესაც ნათელი მომავალი ექნება.



პლუსები
19 წლის კალათბურთელის კვალობაზე ძალიან თამამი და ძლიერია შეტევაში, "პიკ ენდ როლებისას" დამანგრეველია.

ბლოკის დაყენება იმდენად კარგად შეუძლია, რომ პარტნიორს უმეტეს შემთხვევაში დიდი სივრცე ექმნება შესატევად, ამავე დროს სწრაფი ბრუნით თავადაც შეუძლია ჩაგდება...

ბითაძეს სათამაშო რიტმისა და დროის მშვენიერი შეგრძნება აქვს, რაც განსაკუთრებით საშიშს დაცვაში ხდის - იცის, როდის და რა მომენტში აუხტეს მეტოქეს... ამიტომაც აქვს ბევრი დაფარება.

ქართველი ცენტრი ძალიან მობილურია, შეუძლია სპრინტში დაიჭიროს ბურთი, განაგრძოს მოძრაობა დრიბლინგით და ნებისმიერი შეტევა შედეგიანად დააგვირგვინოს. NBA-ს ყველა გუნდი შეტევისას იყენებს "პიკ ენდ როლს", რაც ბითაძის კანდიდატურას დამატებით ინტრიგას მატებს. ის ხომ სადრაფტედ გამზადებულ ცენტრებს შორის ყველაზე კარგად თამაშობს "პიკებზე".

გოგა ბითაძე სამქულიანებს გასულ სეზონში 36-პროცენტიანი სიზუსტით სტყრცნიდა. არ უნდა დაგვავიწყდეს, რომ ევროპაში სამქულიანის დისტანცია დიდია, ვიდრე ამერიკის კოლეჯების ლიგაში. ასე რომ, ბითაძეს კოლეჯების კალათბურთელებთან შედარებით მეტი უპირატესობა აქვს - NBA-ს სტანდარეტბის სამქულიანი რკალიდან ტყორცნასაა მიჩვეული. თუმცა მისი პლუსი მხოლოდ პერიმეტრიდან ტყორცნა არ არის - როდესაც ცენტრს სამქულიანის ტყორცნა შეუძლია, მას მეურვე ფეხდაფეხ დაჰყვება. შესაბამისად, პერიმეტრზე ბითაძის ამოსვლა იმას ნიშნავს, რომ ფარქვეშ დამცველი ცენტრი არ დარჩება და სივრცე თავისუფლდება...

როდესაც გუნდი კარგ დაცვას თამაშობს, მოთამაშეები ერთმანეთს დროულად აზღვევენ, საჭიროა ჩამგდები ცენტრი, რომელიც ჯერ უკანახაზელს დაეხმარება დრიბლინგისს, შემდეგ ფარქვეშაც შევა და თუ ტანდაბალი ვერ დაამთავრებს შეტევას, თავად აიღებს საკუთარ თავზე. სწორედ ასეთი დაცვის წინააღმდეგაა გოგა ბითაძის ტიპის კალათბურთელი განსაკუთრებით სასარგებლო.

ბითაძე ელიტარული კლასის დამფარებელია. ის მონსტრი აგებულებისა არ არის, რომ მოწინააღმდეგეს ახლოს მისვლა შეეშინდეს, თომცა კარგად მოძრაობს, სიმაღლის კვალობაზე ძალიანს წრაფია, მშვენივრად ბრუნავს და ნებისმიერი შემტევი უნდა უფრთხოდეს მის დაფარებებს. ამასთან, იმ ტიპის კალათბურთელებს არ მიეკუთვნება, დაფარებებისთვის მეტოქეებს ფარქვეშ რომ ელიან - ნახტომისა და სისწრაფის ხარჯზე თავისუფლად შეუძლია შემტევის დაწევა და მისი ტყორცნის უკუგდება.

ქართველი ბურთს კარგად ხსნის, რაც დაცვასა თუ შეტევაში მის გუნდს საქმეს უადვილებს. ბევრი ახალგაზრდა მეფარე ფარიდან ასხლეტილი ბურთის მოხსნისას პოზიციას შეარჩევს, გაჩერდება და ისე ელის. ბითაძე ასეთი ტიპისა არ არის - პოზიცია შერჩეული აქვს თუ არა, ამას მნიშვნელობა არ აქვს - მაინც ენერგიულად მოჩრაობს.

ბითაძე სწრაფი გუნდისთვისაც სასარგებლო შენაძენი იქნება. მას ხომ დაცვთი მოხსნისას სწრაფად შეუძლია ბურთის მეტოქის ნახევარზე გადატანა, ან გარღვევაზე მყოფი პარტნიორისთვის დროულად გადაწოდება.



მინუსები
ევროლიგაზე იყო შემთხვევები, რომ ბითაძეს თავისზე ფიზიკურად ძლიერ ცენტრთან ჭიდილისას საკუთარი შესაძლებლობების გამოვლენა გაუჭირდა. ღონიერი და მაღალ მეფარეების წინააღმდეგ გოგა იყენებდა საშუალო დისტანციიდა ტყორცნებს, "ფლოუტერებს", იმის ნაცვლად რომ ფარქვეშ შესულიყო და ორი ხელით ჩაეტენა. შედეგად ვღებულობდით არადაბალანსებულ ტყორცნებს და აცილებებს... NBA-ში ევროლიგასთან შედარებით ფიზიკურად ძლიერი ცენტრები თამაშობენ, მათ წინააღმდეგ მხოლოდ "ფლოუტერებით" ფონს გასვლა ნებისმიერი შემტევი ცენტრის სარგებლიანობას დააკნინებს.

ნიჭიერ ქართველ ცენტრს პასებზე სამუშაო აქვს. რადგანაც დამაგვირგვინებელ ფაზაში ძალიან კარგია, ბითაძე იშვიათად ანაწილებდა ბურთებს პერიმეტრზე. ნაციონალურ საკალათბურთო ასოციაციაში კი ბევრი მწვრთნელი ითხოვს ცენტრის საჯარიმოს სატყორცნ ხაზთან ამოსვლას, ხოლო ბურთს რომ მიიღებს სიტუაცია წამიერად უნდა შეაფასოს და პასი სწრაფად გაუტანოს საუკეთესო სატყორცნ პოზიციაში მყოფ პარტნიორს. გოგას მთავარი პლუსი შეტევაა, თუმცა იგი განსაკუთრებით სასარგებლო იქნება, თუ გამთამასებლის თვისებებზე იმუშავებს.

იგი დიდი ემოციით თამაშობს. ეს ერთი მხრივ კარგია, მაგრამ ევროლიგის მატცებმაც გვიჩვენა, რომ ზოგჯერ უარყოფითი შედეგი მოაქვს. როდესაც თამაში იძაბება, ემოცია მატულობს, ბითაძე ჩაჭრებზე უფრო ხშირად გადის, სროლასაც ჩქარობს, იმის ნაცვლად, რომ თამაში დააწყნაროს. ხოლო, როდესაც შეცდომას უშვებს, ბურთს კარგავს იმედგაცრუებული გაუმართლებელ ჯარიმაზე მიდის. ახალგაზრდა ქართველს მართებს კარგად აკონტროლოს როგორც თამაშის ტემპი, ასევე საკუთარი ემოციები.

დასკვნის სახით დავწერთ: ტექსტის ინგლიუსურ ვარიანტში ბითაძის პლუსებზე რვა აბზაცი ეწერა, მინუსებზე - სამი. ასე რომ, არ გეგონოთ, თარგმნისას მინუსები ამოვაკელით...

ყოველდღიური სპორტული გაზეთი "ლელო"
1856
მკითხველის კომენტარები / 0 /
მსგავსი ამბები
რუბრიკის სხვა სიახლეები
;