NBA. ტორონტომ მილუოკის საოცრად შემოუტრიალა და ფინალში გოლდენ სტეიტს შეხვდება [VIDEO]

"ტორონტო რეპტორზი" თავისი არსებობის ისტორიაში პირველად ითამაშებს NBA-ის ფინალში. აღმოსავლეთი კონფერენციის ფინალური სერიის პირველი ორი მატჩის წაგების შემდეგ, კანადურმა კლუბმა ზედიზედ ოთხჯერ მოიგო და "გოლდენ სტეიტთან" თამაშის უფლება მოიპოვა. უფრო მეტიც, "ტორონტოს" ფინალში საკუთარი მოედნის უპირატესობა ექნება.

მეექვსე მატჩშიც "რეპტორზს" ქამბექის შესრულება მოუწია, თანაც იმაზე რთულის, ვიდრე წინა შეხვედრაში. კერძოდ, "ტორონტოს" 15-ქულიანი ჩამორჩენა ჰქონდა, რის შემდეგაც, მესამე და მეოთხე მეოთხედების მიჯნაზე 26:3 გაქცევა შეძლო.

პირველი მეოთხედის სტარტის შემდეგ, "ტორონტო" პირველად გავიდა წინ და მართალია, დიდ სხვაობას ვერ მიაღწია, მაგრამ უპირატესობა ბოლომდე შეინარჩუნა.

აღმოსავლეთი
ტორონტო-მილუოკი 100:94
18:31, 25:19, 28:26, 29:18
ტ: ლეონარდი (27+17 მოხსნა+7 პასი), სიაკამი (18), ლაური (17+5 მოხსნა+8 პასი), მ. გასოლი (6), გრინი (0) - სასტარტო; ვანვლიტი (14), პაუელი (9), იბაკა (9).
მ: ანტენტოკუნმპო (21+11 მოხსნა), ლოპესი (18+9 მოხსნა+ 3 დაფარება), მიდლტონი (14), ბროგდონი (10), ბლედსოუ (8+7 პასი) - სასტარტო; ილიასოვა (13+6 მოხსნა), ჰილი (10), კონაუტონი (0).
სერია: 4-2



უკვე ცნობილია ფინალური სერიის განრიგი:
30 მაისი. ტორონტო-გოლდენ სტეიტი
2 ივნისი. ტორონტო-გოლდენ სტეიტი
5 ივნისი. გოლდენ სტეიტი-ტორონტო
7 ივნისი. გოლდენ სტეიტი-ტორონტო
10 ივნისი. ტორონტო-გოლდენ სტეიტი
13 ივნისი. გოლდენ სტეიტი-ტორონტო
16 ივნისი. ტორონტო-გოლდენ სტეიტი

805
მკითხველის კომენტარები / 0 /
მსგავსი ამბები
რუბრიკის სხვა სიახლეები
;