[NBA] ჩემპიონის მოგება

„ტორონტომ“ სეზონის გახსნის მატჩის წინ საჩემპიონო ბეჭდები ჩაიბარა, რის შემდეგაც პირველი გამარჯვება მოიპოვა. მას ოვერტაიმი დასჭირდა „ნიუ ორლეანის“ დასამარცხებლად, რომელსაც არ ჰყავდა დრაფტის პირველი ნომერი ზაიონ უილიამსონი.

თამაშის ბედი ოვერტაიმში ორი ზუსტი სამქულიანით გადაწყვიტეს ფრედ ვანვლიტმა და კაილ ლაურიმ. მათი ზუსტი სროლებით ანგარიში 127:122 გახდა ოვერტაიმის დასრულებამდე.

ვანვლიტს, რომელიც შარშანდელ გუნდში სათადარიგო გამთამაშებელი იყო, 34 ქულა ჰქონდა. ამდენივე დააგროვა შარშანდელი სეზონის ყველაზე პროგრესირებადმა მოთამაშემ პასკალ სიაკამმა, რომელმაც 18 მოხსნაც აიღო.

*  *   *

პირველი სათამაშო დღის მეორე მატჩი ლოსანჯელესური დერბი იყო. ახალი „კლიპერსი“ ახალი „ლეიკერსის“ წინააღმდეგ.

„კლიპერსმა“ მატჩი მოიგო მეოთხე მეოთხედის სტარტზე 19:7 გაქცევის წყალობით. მთავარი როლი ამ გუნდის სათადარიგოებმა ითამაშეს, რომლებმაც 60 ქულა აიღეს. „ლეიკერსის“ რეზერვისტების მონაგარი მხოლოდ 19 ქულა იყო.

„კლიპერსის“ რიგებში 30-ქულიანი დებიუტი ჰქონდა კავაი ლენარდს, ენტონი დევისმა კი „ლეიკერსში“ პირველ მატჩში 25 ქულა და 10 მოხსნა აიღო. ახლოს იყო სამმაგ დუბლთან ლებრონ ჯეიმსი - 18 ქულა, 9 მოხსნა და 8 პასი.

ლოსანჯელესური დერბი შობამდე აღარ გაიმართება.

 ტორონტო-ნ. ორლეანი 130:122 (ო)
27:30, 29:31, 32:25, 29:31, 13:5   
ტორონტო: სიაკამი (34+18 მოხსნა+5 პასი), ვანვლიტი (34+7 პასი), ლაური (22+6 პასი), იბაკა (13), ანუნობი (11+7 მოხსნა).
ნიუ ორლეანი: ინგრემი (22+5 პასი), რედიკი (16), ჰარტი (15+10 მოხსნა), მელი (14), ჰოლიდეი (13+6 პასი).
 კლიპერსი-ლეიკერსი 112:102  
22:25, 40:29, 23:31, 27:17   
კლიპერსი: ლეონარდი (30+6 მოხსნა+5 პასი), ლ. უილიამსი (21+7 პასი), ჰარელი (17+7 მოხსნა), ჯ. გრინი (12), ჰარკლესი (10), ბევერლი (2+10 მოხსნა+6 პასი).
ლეიკერსი: დ. გრინი (28+7 მოხსნა), დევისი (25+10 მოხსნა+5 პასი), ჯეიმსი (18+9 მოხსნა+8 პასი).

194
მკითხველის კომენტარები / 0 /
მსგავსი ამბები
რუბრიკის სხვა სიახლეები
;