[NBA]. ჰეივორდმა ხელი მოიტეხა

„ბოსტონის“ ფორვარდმა გორდონ ჰეივორდმა მარცხენა ხელი მოიტეხა რეგულარული ჩემპიონატის მატჩში „სან ანტონიოს“ წინააღმდეგ. ინციდენტი მეორე მეოთხედში მოხდა, როცა ჰეივორდი ცდილობდა ხელი შეეშალა „სპურსის“ მცველისთვის დეჯოუნტ მიურეისთვის და ამ დროს, ფორვარდ ლამარკუს ოლდრიჯს შეეჯახა. ამის შემდეგ, ბოსტონელმა მოედანი დატოვა და თამაში აღარ გაუგრძელებია.

რენტგენმა მარცხენა ხელის მოტეხილობა დააფიქსირა. როგორც ვარაუდობენ, ჰეივორდი დაახლოებით ერთი თვე ვერ შეძლებს თამაშს. წლევანდელ სეზონში ეს კალათბურთელი საშუალოდ 20.3 ქულას, 7.9 მოხსნასა და 4.6 შედეგიან გადაცემას აგროვებს.

შეგახსენებთ, რომ ორი წლის წინ, გორდონ ჰეივორდმა ფეხის უმძიმესი ტრავმა მიიღო და მთლიანად გამოტოვა 2017-18 წლების სეზონი.

246
მკითხველის კომენტარები / 0 /
მსგავსი ამბები
რუბრიკის სხვა სიახლეები
;