NBA All Stars: ლებრონს წაგება არ უნდოდა, კარი საოცრებებს სჩადიოდა

შარლოტში „ყველა ვარსკვლავის უქმეები“ მთავარი მოვლენით - „ყველა ვარსკვლავის მატჩით“ დასრულდა.

პირველი მეოთხედი ერთ-ერთი გუნდის კაპიტნის იანის ანტენტოკუნმპოს ჩატენვების მინიკონკურსად გადაიქცა. პარტნიორები მას ბურთს აწვდიდნენ და ბერძენიც უპრობლემოდ ტენიდა კალათში ნებისმიერი პოზიციიდან. ამ მძლავრ და სანახაობრივ შეტევებს, ძირითადად, სტეფ კარი ხელმძღვანელობდა. მის გადაცემებს მაყურებელი ისეთივე სიხარულით ხვდებოდა, როგორც იანისის ჩატენვებს.

მოგვიანებით, სათადარიგოთა სკამიდან თამაშში ჩაერთო „მილუოკიში“ ანტენტოკუნმპოს თანაგუნდელი კრის მიდლტონი, რომელმაც მაშინვე ჩააგდო ოთხიდან ოთხი სამქულიანი.

პირველი მეოთხედის ბოლოს, მოედანზე გამოჩნდნენ ვარსკვლავური ვეტერანები - დირკ ნოვიცკი „იანისის გუნდში“ და დუეინ უეიდი „ლებრონის გუნდში“. ისინი ბოლო სეზონს ატარებენ ეროვნულ საკალათბურთო ასოციაციაში. გერმანელმა ბურთის პირველი მიღებისთანავე შორეული სამქულიანი ჩააგდო, რითაც აღფრთოვანებაში მოიყვანა დარბაზი. მომდევნო შეტევაში დირკმა იგივე გაიმეორა.

პირველი მეოთხედის საბოლოო შედეგია - 53:37 „იანისის გუნდის“ სასარგებლოდ. ეს არის „ყველა ვარსკვლავის მატჩის“ ერთ მეოთხედში ერთი გუნდის შედეგიანობის რეკორდის გამეორება. ამ 53 ქულიდან 20 ანტენტოკუნმპოს ანგარიშზე იყო.

მეორე მეოთხედში ბევრი არაფერი შეცვლილა: იანისი ისევ ტენიდა ბურთს, მიდლტონი სამქულიანებს აგდებდა, კარი კი დაუჯერებელი სილამაზის პასებს არიგებდა. მაგრამ, ერთ მომენტში ლებრონ ჯეიმსმა გადაწყვიტა, რომ მისი გუნდი ასეთი დიდი ანგარიშით არ უნდა აგებდეს, ამიტომაც, გარკვეული დროით თავის თავზე აიღო თამაში და ეფექტურად დაასრულა რამდენიმე შეტევა. თუმცა, ამას მომენტალურად უპასუხა კარისა და ანტენტოკუნმპოს წყვილმა, რომელმაც მატჩის ყველაზე ლამაზი ეპიზოდი გვაჩუქა.

დიდი შესვენების შემდეგ ისე ჩანდა, რომ არანაირი ინტრიგა არ იქნებოდა. „იანისის გუნდი“ დომინირებდა და მშვიდად მიჰყავდა მატჩი მოგებამდე. მაგრამ მალე ყველაფერი შეიცვალა. გაირკვა, რომ ლებრონს დიდად არ უნდოდა წაგება. ეს მის სახეზეც მკაფიოდ იკითხებოდა. მან მოუმატა, იგივე აიძულა პარტნიორებს და თამაშის სურათი შეიცვალა. მესამე მეოთხედში მისმა გუნდმა 12 სამქულიანი ჩააგდო, დამიენ ლილარდის ტყორცნით კი ანგარიში გათანაბრდა.

ბოლო შესვენებაზე ნოვიცკიმ და უეიდმა სამახსოვრო მაისურები მიიღეს და მატჩის სხვა მონაწილეებთან ერთად ფოტო გადაიღეს. ამის შემდეგ, მოედანზე ნამდვილი ბრძოლა გაიმართა. კალათბურთელთა სახეებზე აღარ იყო ღიმილი, რასაც პირველ მეოთხედში ვხედავდით. ორივე გუნდი მოგებაზე თამაშობდა.
საბოლოოდ, უფრო ძლიერი „ლებრონის გუნდი“ აღმოჩნდა, რომელმაც 178:164 გაიმარჯა. უძვირფასეს მოთამაშედ გამოცხადდა „გოლდენ სტეიტის“ ფორვარდი კევინ დურანტი, რომელმაც 31 ქულა ჩააგდო, მასზე მეტი იანის ანტენტოკუნმპოს ჰქონდა - 38 ქულა.

იანისი-ლებრონი 164:178
53:37, 42:45, 36:50, 33:46
იანისი: ანტენტოკუნმპო (38+11 მოხსნა+5 პასი), ჯორჯი (20), კარი (17+9 მოხსნა+7 პასი), ემბიდი (10+12 მოხსნა), უოკერი (4+8 პასი) - სასტარტო; მიდლტონი (20+5 მოხსნა), უესტბრუკი (17), გრიფინი (10+6 მოხსნა), ნოვიცკი (9), რასელი (6), იოკიჩი (6+9 მოხსნა), ვუჩევიჩი (4+5 მოხსნა), ლაური (3).
ლებრონი: დურანტი (31+7 მოხსნა), ლეონარდი (19+5 მოხსნა), ჯეიმსი (19+8 მოხსნა), ირვინგი (13+9 მოხსნა+6 პასი), ჰარდენი (12) - სასტარტო; ტომპსონი (20+8 მოხსნა), ლილარდი (18+6 მოხსნა+5 პასი), ბილი (11), თაუნსი (11), სიმონსი (10+6 მოხსნა+7 პასი), უეიდი (7), დევისი (5), ოლდრიჯი (2).

წელი მატჩი MVP

2018 ლებრონ ჯეიმსი-სტეფ კარი 148:145 ლებრონ ჯეიმსი
2017 დასავლეთი-აღმოსავლეთი 192:182 ენტონი დევისი
2016 დასავლეთი-აღმოსავლეთი 196:173 რასელ უესტბრუკი
2015 დასავლეთი-აღმოსავლეთი 163:158 რასელ უესტბრუკი
2014 აღმოსავლეთი-დასავლეთი 163:155 კაირი ირვინგი
2013 დასავლეთი-აღმოსავლეთი 143:138 კრის პოლი
2012 დასავლეთი-აღმოსავლეთი 152:149 კევინ დურანტი
2011 დასავლეთი-აღმოსავლეთი 148:143 კობი ბრაიანტი
2010 აღმოსავლეთი-დასავლეთი 141:139 დუეინ უეიდი
2009 დასავლეთი-აღმოსავლეთი 146:119 კობი ბრაიანტი/შაკილ ო’ნილი
2008 აღმოსავლეთი-დასავლეთი 134:128 ლებრონ ჯეიმსი
2007 დასავლეთი-აღმოსავლეთი 153:132 კობი ბრაიანტი
2006 აღმოსავლეთი-დასავლეთი 122:120 ლებრონ ჯეიმსი
2005 აღმოსავლეთი-დასავლეთი 125:115 ალენ აივერსონი
2004 დასავლეთი-აღმოსავლეთი 136:132 შაკილ ო’ნილი
2003 დასავლეთი-აღმოსავლეთი 155:145 (2ო) კევინ დურანტი
2002 დასავლეთი-აღმოსავლეთი 135:120 კობი ბრაიანტი
2001 აღმოსავლეთი-დასავლეთი 111:110 ალენ აივერსონი
2000 დასავლეთი-აღმოსავლეთი 137:126 ტიმ დანკანი/შაკილ ო’ნილი
1998 აღმოსავლეთი-დასავლეთი 135:114 მაიკლ ჯორდანი
1997 აღმოსავლეთი-დასავლეთი 132:120 გლენ რაისი
1996 აღმოსავლეთი-დასავლეთი 129:118 მაიკლ ჯორდანი
1995 დასავლეთი-აღმოსავლეთი 139:112 მიტჩ რიჩმონდი
1994 აღმოსავლეთი-დასავლეთი 127:118 სკოტი პიპენი
1993 დასავლეთი-აღმოსავლეთი 135:132 (ო) კარლ მელოუნი/ჯონ სტოქტონი
1992 დასავლეთი-აღმოსავლეთი 153:113 მეჯიქ ჯონსონი
1991 აღმოსავლეთი-დასავლეთი 116:114 ჩარლზ ბარკლი
1990 აღმოსავლეთი-დასავლეთი 130:113 მეჯიქ ჯონსონი
1989 დასავლეთი-აღმოსავლეთი 143:134 კარლ მელოუნი
1988 აღმოსავლეთი-დასავლეთი 138:133 მაიკლ ჯორდანი
1987 დასავლეთი-აღმოსავლეთი 154:149 (ო) ტომ ჩემბერსი
1986 აღმოსავლეთი-დასავლეთი 139:132 აიზია ტომასი
1985 დასავლეთი-აღმოსავლეთი 140:129 რალფ სემპსონი

1984 აღმოსავლეთი-დასავლეთი 154:145 (ო) აიზია ტომასი
1983 აღმოსავლეთი-დასავლეთი 132:123 ჯულიუს ირვინგი
1982 აღმოსავლეთი-დასავლეთი 120:118 ლარი ბერდი
1981 აღმოსავლეთი-დასავლეთი 123:120 ტინი არჩიბალდი
1980 აღმოსავლეთი-დასავლეთი 144:136 (ო) ჯორჯ გერვინი
1979 დასავლეთი-აღმოსავლეთი 134:129 დევიდ ტომპსონი
1978 აღმოსავლეთი-დასავლეთი 133:125 რენდი სმიტი
1977 დასავლეთი-აღმოსავლეთი 125:124 ჯულიუს ირვინგი
1976 აღმოსავლეთი-დასავლეთი 123:109 დეივ ბინგი
1975 აღმოსავლეთი-დასავლეთი 108:102 უოლტ ფრეზერი
1974 დასავლეთი-აღმოსავლეთი 134:123 ბობ ლეინერი
1973 აღმოსავლეთი-დასავლეთი 104:84 დეივ კოუენსი
1972 დასავლეთი-აღმოსავლეთი 112:110 ჯერი უესტი
1971 დასავლეთი-აღმოსავლეთი 108:107 ლენი უილკენსი
1970 აღმოსავლეთი-დასავლეთი 142:135 უილიას რიდი
1969 აღმოსავლეთი-დასავლეთი 123:112 ოსკარ რობერტსონი
1968 აღმოსავლეთი-დასავლეთი 144:124 ჰალ გრირი
1967 დასავლეთი-აღმოსავლეთი 135:120 რიკ ბერი
1966 აღმოსავლეთი-დასავლეთი 137:94 ადრიან სმიტი
1965 აღმოსავლეთი-დასავლეთი 124:123 ჯერი ლუკასი
1964 აღმოსავლეთი-დასავლეთი 111:107 ოსკარ რობერტსონი
1963 აღმოსავლეთი-დასავლეთი 115:108 ბილ რასელი
1962 დასავლეთი-აღმოსავლეთი 150:130 ბობ პეტიტი
1961 დასავლეთი-აღმოსავლეთი 153:131 ოსკარ რობერტსონი
1960 აღმოსავლეთი-დასავლეთი 125:115 უილტ ჩემბერლენი
1959 დასავლეთი-აღმოსავლეთი 124:108 ელჯინ ბეილორი/ბობ პეტიტი
1958 აღმოსავლეთი-დასავლეთი 130:118 ბობ პეტიტი
1957 აღმოსავლეთი-დასავლეთი 109:97 ბობ კოუზი
1956 დასავლეთი-აღმოსავლეთი 108:94 ბობ პეტიტი
1955 აღმოსავლეთი-დასავლეთი 100:91 ბილ შერმანი
1954 აღმოსავლეთი-დასავლეთი 98:93 (ო) ბობ კოუზი
1953 დასავლეთი-აღმოსავლეთი 79:75 ჯორჯ მიკანი
1952 აღმოსავლეთი-დასავლეთი 108:91 პოლ არიზინი
1951 აღმოსავლეთი-დასავლეთი 111:94 ედ მაკოლეი

ყოველდღიური სპორტული გაზეთი "ლელო"
1134
მკითხველის კომენტარები / 0 /
მსგავსი ამბები
რუბრიკის სხვა სიახლეები
;