[NEWS] ემერი მონაკოში?.. კოუტინიოს ინგლისური პერსპექტივა და სხვა...

კოუტინიოსთვის ინგლისელები იბრძოლებენ

ფელიპე კოუტინიო„ბარსელონას“ ნახევარმცველმა ფილიპე კოუტინიომ, შესაძლოა, კარიერა ინგლისის პრემიერლიგაში გააგრძელოს. ზაფხულის მომდევნო სატრანსფერო ფანჯრის დროს, 27 წლის ბრაზილიელის შეძენას შეეცდებიან - „ჩელსი“, „მანჩესტერ იუნაიტედი“ და „ტოტენჰემი“.

„ბარსელონა“ აპირებს კოუტინიოს გაყიდვას და მიღებული თანხის დახმარებით „პარი სენ-ჟერმენიდან“ ნეიმარის დაბრუნებას. კატალონური გრანდი მინიმუმ 100 მილიონი ევროს გამომუშავებას ვარაუდობს.

დღეისთვის, ფილიპე კოუტინიო იჯარით „ბაიერნში“ თამაშობს. ხელშეკრულების ვადა 2020 წლის ზაფხულამდეა. მიუნხენელებს აქვთ ფეხბურთელის გამოსყიდვის უფლება 120 მილიონ ევროდ, თუმცა გერმანიის ჩემპიონს ჯერ არ აქვს გადაწყვეტილი - როგორ მოიქცევა ბრაზილიელთან მიმართებაში.

ამ სეზონში კოუტინიომ „ბაიერნის“ რიგებში 22 მატჩი ჩაატარა ყველა ტურნირზე, შვიდი გოლი გაიტანა და ამდენივე შედეგიანი პასი შეასრულა.


ემერის მონაკო იწვევს?

უნაი ემერილიგა 1-ის ბინადარი „მონაკო“ განიხილავს მთავარი მწვრთნელის პოსტზე ლონდონის „არსენალის“ ყოფილი დამრიგებლის უნაი ემერის მიწვევას.

ბოლო დღეებში მონაკოელთა ხელმძღვანელობა დაინტერესებას გამოთქვამს 48 წლის ესპანელი სპეციალისტით, მაგრამ კონკრეტულ მოლაპარაკებამდე საქმე არ მისულა. მიუხედავად ამისა, ემერი - პრიორიტეტული ვარიანტია „მონაკოსთვის“.

დღეისთვის კლუბს ხელმძღვანელობს ლეონარდო ჟარდიმი, მაგრამ ცუდი შედეგების გამო, პორტუგალიელ სპეციალისტს პოსტიდან დათხოვნა ემუქრება.


რეალი ზამთარში ივაჭრებს

მადრიდის „რეალმა“ გადაწყვიტა, არ შეიძინოს მოთამაშეები ზამთრის სატრანსფერო ფანჯრის დროს.

გუნდის მთავარი მწვრთნელი ზინედინ ზიდანი არ მიიჩნევს გლობალურ პრობლემად იმ ფაქტს, რომ ბოლო სამ მატჩში მადრიდელებმა მხოლოდ ერთი გოლი გაიტანეს. კლუბის ხელმძღვანელობაც ეთანხმება ფრანგ სპეციალისტს და მიიჩნევს, რომ საბოლოოდ, გოლები მოვა.

ზიდანი და „რეალის“ მმართველი საბჭო ასევე თანხმდებიან იმაზე, რომ ქარიმ ბენზემას არ შეუძლია მარტო ათრიოს გუნდის შეტევა. ბევრს ელოდებიან გარეტ ბეილისგან. ასევე კლუბში სჯერათ ედენ აზარის წარმატებული თამაშის, აგრეთვე ლუკა იოვიჩის შესაძლებლობების, რომელსაც „რეალში“ მხოლოდ ერთი გოლი აქვს გატანილი.

ზიდანს სურს 2019-20 წლების სეზონის დასრულება მიმდინარე შემადგენლობით. შესაძლოა, მხოლოდ ერთი-ორი მოთამაშე წავიდეს. ლაპარაკია ბრაიმ დიასზე და მარიანოზე.


იოზილის 219 ოპერაცია

მესუთ იოზილილონდონის „არსენალის“ ნახევარმცველმა მესუთ იოზილმა 219 შეწირულობა გააკეთა მთელ მსოფლიოში ბავშვებისთვის ოპერაციებზე. თავისი საქველმოქმედო მოღვაწეობის შესახებ 31 წლის ფეხბურთელმა საკუთარ „ინსტაგრამში“ დაწერა.

„219 ოპერაცია უკვე ჩატარებულია, მაგრამ ჯერ კიდევ ბევრია გასაკეთებელი! მე და ჩემმა მეუღლემ 2019 წლის ივნისში, ქორწინების წინ გამოვაცხადეთ, რომ დავფარავდით კიდევ 1000 სასიცოცხლოდ მნიშვნელოვანი ოპერაციის ღირებულებას მთელი მსოფლიოს ბავშვებისთვის.

მადლობა ყველას, ვინც ამ პროექტისთვის ფული დახარჯა. განსაკუთრეული მადლობა ყველა საერთაშორისო სამედიცინო ბრიგადას, რომლებიც ამ ყველაფერში მონაწილეობდნენ. ეს მხოლოდ დასაწყისია! მოდით წინ, 2020 წელში გავიხედოთ და ერთად დავეხმაროთ ასობით ბავშვს, რომლებსაც ამის საშუალება არ აქვთ“, - დაწერა იოზილმა.

ამ სეზონში გერმანელმა ფეხბურთელმა 11 მატჩი ჩაატარა „არსენალის“ რიგებში და ორი შედეგიანი პასი შეასრულა. მისი კონტრაქტი ლონდონურ კლუბთან 2021 წლის ზაფხულამდეა ძალაში.

266
მკითხველის კომენტარები / 0 /
მსგავსი ამბები
რუბრიკის სხვა სიახლეები
;