„ოქრიაშვილი თემურ ქეცბაიას კურთხევით ახალ კლუბს ეძებს“ - ამ სათაურით კვიპროსულმა გამოცემა „ფილნიუსმა“ წერილი გამოაქვეყნა და ამტკიცებს, რომ საქართველოს ნაკრებისა და ფამაგუსტას „ანორთოსისის“ შემტევი ნახევარმცველი, დიდი ალბათობით, სეზონის შემდეგ გუნდს დატოვებს.

გამოცემის ცნობით, გასულ სეზონში შემდგარ ამ მოულოდნელ და ფამაგუსტელებისთვის სასურველი ტრანსფერი გიორგი ქინქლაძის მონაწილებით შედგა.

„ოქრიაშვილისთვის არცთუ ისე ადვილი აღმოჩნდა რუსეთის ლიგის დატოვება, სადაც დონეც უფრო მაღალია და შემოსავალიც. მაგრამ გასულ ზაფხულს თემურ ქეცბაიამ, გიორგი ქინქლაძის დახმარებით, მოახერხა და დაარწმუნა, რომ „ანორთოსისი“ მაისური ჩაეცვა. გასულ სეზონში მან „კრასნოდარში“ მხოლოდ ხუთი მატჩი ჩაატარა და დიდი ხნის განმავლობაში მუხლის სერიოზული ტრავმის გამო არ უთამაშია. ფამაგუსტას გუნდში ოქრიაშვილმა ფორმის აღდგენა მოახერხა - „ანორთოსისში“ 14 მატჩი ჩაატარა, რომელთაგან 13 ძირითადი შემადგენლობის ფეხბურთელი იყო და სამი გოლი გაიტანა“ - წერს გამოცემა.

რაც შეეხება მთავარ საკითხს: „ფილნიუსი“ ამტკიცებს, რომ ქართველმა შემტევვმა ზაფხულში სხვა გუნდში ტრანსფერის სურვილი გამოთქვა, „ანორთოსისი“ კი ხელს არ შეუშლის: „28 წლის ფორვარდმა უფრო ძლიერ ლიგაში გადასვლის სურვილი გამოთქვა. თუმცა მას „ანორთოსისთან“ ხელშეკრულება შემდეგი სეზონის ბოლომდე აკავსირებს. ერთადერთი, რაც დანამდვილებით შეიძლება ითქვას, არის ის, რომ თემურ ქეცბაიას არ გაუკვირვებია თავისი თანამემამულის ასეთი დამოკიდებულება, რადგან მან თავიდანვე იცოდა მისი სურვილი“.

„ფილნიუსი“ აცხადებს, რომ ოქრიაშვილი თურქეთის სუპერლიგაში გადასვლას ფიქრობს: „თურქეთის ჩემპიონატმა, სადაც მან ითამაშა 2016-17 წლების სეზონში იჯარით „ესქიშეჰირსფორში“ ითამაშა, ოქრიაშვილი გულგრილი არ დატოვა. დრო გვაჩვენებს, გადაიქცევა თუ არა ოფიციალურ შეთავაზებად ინტერესი, რომელიც ხმების მიხედვით არსებობს“.