PERCHE, ITALIA? აპენინელებმა ლამის ანჩხლი დედაკაცივით დაგვწყევლონ. - ქართველებს პირს გავაკმედინებთო

საქართველოს ნაკრები 10 ნოემბერს ფლორენციაში ნოემბრის ტესტების პირველ მატჩში იტალიის ეროვნულ გუნდს დაუპირისპირდება.

"ბორჯღალოსნები" ერთ კვირაზე მეტია საფრანგეთში ემზადებიან. გუნდის ლეგიონერთა ნაწილმა გასულ უქმეებზე საფრანგეთის ჩემპიონატშიც იასპარეზა და ახლა ისევ ნაკრების შტაბში დაბრუნდა.

ჩვენი ეროვნული გუნდისგან განსხვავებით, იტალიის ნაკრებმა გასულ უქმეებზე აშშ-ის ქალაქ ჩიკაგოში ირლანდიის ნაკრების წინააღმდეგ ითამაშა და 7:54 დამარცხდა. იტალიური გაზეთის "კორირე დელა სერა" ამ მარცხს დიდ ტრაგედიად არ მიიჩნევს და წერს, რომ მთავარი შეხვედრა საქართველოს ნაკრებთანაა, რომლებსაც ამბიციები უნდა დავუხშოთო. გთავაზობთ ამონარიდს ამ პუბლიკაციიდან:

"იტალიისთვის ირლანდიასთან მატჩი მხოლოდ დასაწყისია. სინამდვილეში კიდევ სამი შეხვედრაა წინ: 10 ნოემბერს საქართველოსთან ფლორენციაში, 17 ნოემბერს ავსტრალიასთან პადოვაში და 24 ნოემბერს ახალ ზელანდიასთან რომში.

რა პარადოქსულიც არ უნდა იყოს, ყველაზე მნიშვნელოვანი საქართველოსთან მატჩი იქნება, რადგან ჩვენს ოპონენტებს, მიუხედავად იმისა, რომ მარსიანელები არ არიან, აქვთ დიდი ამბიცია, წლებია ტირიან და ითხოვენ, ექვს ერში თამაშს (რა თქმა უნდა, იტალიის ნაცვლად). 2015 წლამდე რუმინეთიც იმავეს ცდილობდა, იქამდე, სანამ მსოფლიო თასზე არ მოვუგეთ. ჩვენი გუნდის მთავარი მიზანი კავკასიელებთან იმავე ოპერაციის გამეორება იქნება. ჩვენ მათ კარგად ვეთამაშებით და 5-6 წლით პირს გავაკმედინებთ".

აი, ასე იმუქრებიან იტალიელები. ყველაფერი კი მოედანზე გამოჩნდება და დარწმუნებულნი ვართ "ბორჯღალოსნები", როგორც ყოველთვის, ამჯერადაც ერთი ნაბიჯითაც არ დაიხევენ უკან.

იქამდე კი იტალიის ნაკრების მთავარმა მწვრთნელმა კონორ ოშიმ იმ 32 კაცის ვინაობა გამოაცხდა, რომლებიც საქართველოსთან მატჩისთვის ემზადებიან. ცხადია, ამათგან საბოლოოდ 23 შეირჩევა. ტრავმების გამო იტალიას აკლია: ორნელ გეგა, ფედერიკო ძანი, (ორივე - ბენეტონი), ჯოვანი ლიკატა, მაქსიმ მბანდა, მატეო მინოზი, ედუარდო პადოვანი, მარსელო ვიოლი (ყველა - ზებრე), ლეონარდი სარტო (უგუნდო).
შეგახსენებთ, რომ მატჩი ფლორენციაში თბილისის დროით 18 საათზე დაიწყება.

იტალიის ნაკრები
პირველი ხაზი: სიმონე ფერარი, ტიციანო პასკუალი, შერიფ ტრაორე, ლუკა ბიჯი (ყველა - ბენეტონი), ანდრეა ლოვოტი, ჯოზუე ზილოკი, ოლივიერო ფაბიანი (სამივე - ზებრე), ლეონარდო ჯილარდინი (ტულუზი).
მეორე ხაზი: ჯორჯ ბიაჯი (ზებრე), დინ ბადი, მარკო ფუზერი, მარკო ლაზარონი, ალესანდრო ძანი (ყველა - ბენეტონი)
მესამე ხაზი: რენატო ჯიამარიოლი, ჯონ მეიერი, ჯიმი ტუივაიტი (სამივე - ზებრე), სებასტიან ნეგრი, აბრაჰამ სტეინი (ორივე - ბენეტონი), სერჯო პარისე (სტად ფრანსე), ჯეკ პოლედრი (გლოსტერი)
#9: გულიელმო პალაცანი (ზებრე), ტიტო ტებალდი (ბენეტონი)
#10: ტომაზო ალანი (ბენეტონი), კარლო კანა (ზებრე)
#12-13: ჯული ბისეჯნი, ტომაზო კასტელო (ორივე - ზებრე), მიკელე კამპანარო (ექსეტერი), ლუკა მორისი (ბენეტონი)
#11-14: მატია ბელინი (ზებრე), ტომაზო ბენვენუტი (ბენეტონი), ჯეიდენ ჰეივერდი (ბენეტონი)
#15: ლუკა სპერადიო (ბენეტონი)

ტესტები

10 ნოემბერი
იტალია-საქართველო

17 ნოემბერი
საქართველო-სამოა

24 ნოემბერი
საქართველო-ტონგა

ყოველდღიური სპორტული გაზეთი "ლელო"
1241
მკითხველის კომენტარები / 0 /
მსგავსი ამბები
რუბრიკის სხვა სიახლეები