[PHOTO] მამამისი კრუიფთან ერთად თამაშობდა, მისმა ბოიფრენდმა კი იუვე ჩემპიონთა ლიგიდან გააგდო

"აიაქსის" მცველმა მატიის დე ლიხტმა კარგად იცის მნიშვნელოვანი გოლების გემო. სწორედ მან გაიტანა გამარჯვების გოლი "იუვენტუსის" კარში და მსოფლიო ფეხბურთის ერთ-ერთი გრანდი ჩემპიონთა ლიგიდან დაითხოვა.

მაგრამ 19 წლის მცველს გემოვნება არც გოგონების არჩევაში დაეწუნება. ბოლო პერიოდში ის ხვდება ანეკე მოლენაარს - დახვეწილი აღნაგობისა და პირმშვენიერ ჰოლანდიელ მოდელს, რომელსაც ფეხბურთთან მხოლოდ ბოიფრენდი არ აკავშირებს - მამამისი, კეიე მოლენაარი, ერთ დროს "აიაქსისა" და "ფეიენოორდის" ფეხბურთელი იყო და ამ გუნდებში 200-მდე მატჩი აქვს ჩატარებული.

სხვათა შორის, ის "აიაქსში" კრუიფის მხარდამხარაც თამაშობდა. უნდა ვივარაუდოთ, რომ "აიაქსი"-"იუვენტუსის" მატჩების შემდეგ ანიკეს მამა პოტენციური სიძით კმაყოფილი უნდა იყოს.

4802
მკითხველის კომენტარები / 0 /
მსგავსი ამბები
რუბრიკის სხვა სიახლეები
;