[PHOTO] როგორ გაცვალა აგუერომ მარადონას ქალიშვილი უმშვენიერეს სოფიაზე!..

სერხიო აგუეროს პირადი ცხოვრება ყვითელ მედიას ყოველთვის აინტერესებს. დიეგო მარადონას სიძემ რომ ხარ, როგორ გინდა აიცილო აბეზარი ჟურნალისტებისა თუ პაპარაცების მახვილი მზერა...

მას მერე, რაც "მანჩესტერ სიტის" ფორვარდი ლეგენდარული სიმამრის ქალიშვილს, ჯანინას დაშორდა, მუდმივი დაკვირვების ქვეშაა - აბა, ვინ იქნება "კუნის" ცხოვრების ახალი მეგზური.

ბოლო პერიოდში მას არაერთ ცნობილ მოდელთან აკავშირებდნენ. როგორც ჩანს, სერხიომ გადაწყვიტა, ყველა ჭორ-მართლისთვის თავად მოეფინა ნათელი და "ინსტაგრამზე" უმშვენიერესი არგენტინელი ფოტომოდელის, სოფია კალცეტის ფოტოები გამოეფინა - ქალისა, რომელმაც მისი გული დაიპყრო.

აგუერომ სოფია ბუენოს აირესის ერთ-ერთ ღამის კლუბში გაიცნო. ქალი 23 წლისაა. სოფია არამარტო მოდელია, არამედ, კომპანიების - Be Dog-ისა და Everlast-ის ელჩიც გახლავთ. ასევე, მიჰყავს პირადი ბლოგი "ინსტაგრამზე", სადაც მას 130 000 ხელმომწერი ჰყავს.

ფეხბურთი მის ცხოვრებაში ბოლო ადგილზე ნამდვილად არ არის. სოფია "რივერ პლეიტის" ფანია, მაშინ, როცა მისი გულისწორი ერთ დროს "ინდეპენდიენტეს" ღირსებას იცავდა. მოკლედ, ასეა - "კუნმა" ჯანინას სოფია ამჯობინა და პირადი ცხოვრების ასპარეზზე რაღაცნაირად გამოვიდა სახელგანთქმული სიმამრის ჩრდილიდან. 

12152
მკითხველის კომენტარები / 0 /
მსგავსი ამბები
რუბრიკის სხვა სიახლეები
;