[PHOTO] როგორ დაეხმარა მშვენიერი ემი 'ლივერპულის' მცველს სიმსივნის დამარცხებაში

ესპანელმა მცველმა ხოსე ენრიკემ "ლივერპულში" 5 წელი გაატარა და ამ ხნის განმავლობაში... კარშიც კი ჩამდგარა, გუნდს რომ დასჭირვებია. მაგრამ გასული წლის მაისში მასაც დასჭირდა დახმარება. ენრიკეს სიმსივნის იშვიათი დიაგნოზი დაუსვეს - ხორდომა, რომელიც თვალის უკან წარმოიშობა და, უკეთეს შემთხვევაში, ადამიანს მხედველობის გარეშე ტოვებს...

ხოსე ენრიკემ მკურნალობის, ოპერაციისა და რეაბილიტაციის ხანგრძლივი პერიოდი გაიარა და რამდენიმე დღის წინ სოციალური ქსელით შეეხმიანა ფანებს: "ველაპარაკე ჩემს ქირურგს, რომელმაც ბოლო გამოკვლევის შედეგები მაცნობა - აბსოლუტურად სუფთა ვარ! ასე რომ, ცხოვრებას თავიდან ვიწყებ და მადლობას ვუხდი ყველას, ვინც მხარს მიჭერდა და მამხნევებდა", - წერს ენრიკე.

მაგრამ მის ცხოვრებაში არის ერთი ადამიანი, ვისაც გამორჩეული როლი აქვს მძიმე დაავადების დამარცხებაში. ხოსე ენრიკემ განსაკუთრებული მადლობა გადაუხა საცოლეს - მშვენიერ ემი ჯეინს, რომელიც არ მოსცილებია 11 თვის განმავლობაში და რომელმაც ქიმიოთერაპიის 35 სეანსი გადაატანინა.

"რომ არა ემი, ახლა ძალიან მძიმე მდგომარეობაში ვიქნებოდი", - ესეც ხოსე ენრიკეს სიტყვებია.

6696
მკითხველის კომენტარები / 1 /
status quo
0
დასაფასებელია ეს ქალი.
მსგავსი ამბები
რუბრიკის სხვა სიახლეები
;