[PHOTO] ძველი ბოსი, ახალი ერა. ზინედინ ზიდანის პირველი დღე დაბრუნების შემდეგ

დღეს, 13 მარტს, ზინედინ ზიდანმა პირველი ვარჯიში ჩაუტარა "რეალის" ფეხბურთელებს გუნდში დაბრუნების შემდეგ. "ლოს ბლანკოსის" საწვრთნელ კომპლექსში, ბოლოდროინდელთან შედარებით, უჩვეულო ხალხმრავლობა იყო.

ბაზაზე მისვლისას ზიდანს თან ახლდნენ მისი ასისტენტები - დავიდ ბეტონი და ჰამიდუ მსაიდიე, ასევე ფიზმომზადების მწვრთნელი ანტონიო პინტუსი. რა თქმა უნდა, ზიდანმა მოკლე კომენტარიც გააკეთა: 

"დავტოვე გუნდი იმიტომ, რომ ვფიქრობდი, ყველაფრის მოგების შემდეგ "რეალს" ცვლილებები სჭირდებოდა და პირველ რიგში - მთავარი მწვრთნელის პოსტზე. რაც შეეხება დაბრუნებას, დამირეკა პრეზიდენტმა და არ შემეძლო, უარი მეთქვა. ეს არის უდიდესი პასუხისმგებლობა იმ ხალხის წინაშეც, ვისაც "რეალი" უყვარს.

გასულ სეზონში მოვიგეთ ჩემპიონთა ლიგა, მაგრამ ადრეულ ეტაპზევე ჩამოვშორდით ესპანეთის ჩემპიონობისთვის ბრძოლას, წავაგეთ თასზეც... რა თქმა უნდა, რაღაც სწორად ვერ გავაკეთე და მოვედი იმიტომ, რომ ეს ყველაფერი გამოვასწოროთ...

ფაქტია, რაღაც უნდა შევცვალოთ. გვაქვს დრო იმისთვის, რომ დავსხდეთ, ვილაპარაკოთ, გეგმები დავსახოთ... წინ კიდევ 11 თამაშია.

გავრისკე თუ არ დაბრუნებით? ამაზე არ ვფიქრობ, მთავარია, გული მეუბნება, რომ უკვე დავისვენე და შემიძლია, ვიმუშაო. პრეზიდენტსაც სურდა, რომ დავბრუნებულიყავი და მეც გამიჩნდა ასეთი განწყობა. ამიტომაც ვარ აქ", - თქვა ზიდანმა.

 

784
მკითხველის კომენტარები / 0 /
მსგავსი ამბები
რუბრიკის სხვა სიახლეები
;