PremierTime: ჩელსი ჩემპიონთა ლიგის მიღმა?

დასრულდა პრემიერლიგის 31 ტური. სათამაშო დღის ბოლო შეხვედრაში ლონდონის "ჩელსი" "ტოტენჰემს" დაუპირისპირდა და 1:3 დათმო. თითო გოლი მიითვალეს მორატამ და ერიქსენმა, ხოლო დუბლით გამოირჩა დელე ალი (მან ოთხი წუთის ინტერვალით 62 და 66 წუთებზე შეაგდო).

ეს მატჩი შესაძლოა, გადამწყვეტიც აღმოჩნდეს ორივე გუნდისთვის, ვინაიდან ამ ტურამდე ისინი მეოთხე-მეხუთე ადგილს იკავებდნენ და 5 ქულით წინ იყო "ტოტენჰემი".

მეტად საჭირო გამარჯვების შემდეგ კი მათ შორის სხვაობა 8 ქულამდე გაიზარდა. რა თქმა უნდა, პრემიერლიგის დასრულებამდე ჯერ კიდევ 7 ტურია დარჩენილი მაგრამ მაინც სასწაულად ჩაითვლება ასეთ ფორმაში მყოფი "ლივერპულის", "ტოტენჰემის" ან თუნდაც "მანჩესტერის" გამოძევება ოთხეულიდან.

მოკლედ გეტყვით იმასაც, რომ ლონდონში 1 აპრილს მეორე თამაშიც ჩატარდა: "არსენალმა" "სტოკს" უმასპინძლა და დამაჯერებლადაც დაამარცხა - 3:0.

819
მკითხველის კომენტარები / 0 /
მსგავსი ამბები
რუბრიკის სხვა სიახლეები
;