San Francisco Chronicle: ზაზა ფაჩულია 'გოლდენ სტეიტში' არ დარჩება

ამერიკულ გამოცემა San Francisco Chronicle-ში გამოქვეყნდა სტატია ზაზა ფაჩულიას შესახებ, რომლის ავტორია კონორ ლეტურნო. ვფიქრობთ, მისი ნაშრომის თარგმანი ქართველ მკითხველსაც დააინტერესებს.

"დასრულდა NBA-ს მორიგი სეზონი. გაჩნდა არაერთი შეკითხვა. მათ შორის ზაზა ფაჩულიასთან მიმართებაში - როგორ დარჩეს ფასეული ლიგაში, სადაც მისი მონაცემები და პლუსები ბევრს გუნდს არ სჭირდება?

ქართველ ცენტრს საკმარისად აქვს პლუსები. ამიტომაც მოხვდა "გოლდენ სტეიტში" და ამიტომაც ითამაშა 2016-17 წლების სეზონში ყველა მატჩი სასტარტო ხუთეულში. მას კარგად შეუძლია მეტოქის მსროლელ წინახაზელს ღონივრად დაუდგეს და პერიმატრამდე აჰყვეს. თანაგუნდელებს მშვენიერ ბლოკებს უყენებს, ფარქვეშ მეტოქეებს იშვიათად უშვებს, ფარქვეშიდან პასები გააქვს...

თუმცა ამ სეზონში ზაზას წუთები გაცილებით ახალგაზრდა და ტანდაბალმა წინახაზელებმა კევონ ლუნიმ და ჯორდან ბელმა "შეუჭამეს". სეზონის მეორე ნახევარში მწვრთნელი სტივ კერი ზაზას, ფაქტობრივად, აღარ ათამაშებდა. ეს გასაკვირი იმიტომაც იყო, რომ საქმე ეხებოდა კალათბურთელს, რომელმაც წინა ჩემპიონატის ყველა მატჩი, რომელშიც მონაწილეობა მიიღო, სასტარტო ხუთეულში დაიწყო.

NBA-ში ბევრი რამ იცვლება. მობილური, სწრაფი ცენტრები მეტად ფასეულები ხდებიან, ვიდრე ტანმაღალი მძიმე მეფარეები, რომლებსაც შეუძლიათ ბლოკების დაყენება და დაფარება. ამ სეზონის დასაწყისში "გოლდენ სტეიტის" თავკაცი სტივ კერი კვლავ ბოლომდე ენდობოდა ფაჩულიას, მაგრამ "ოლ სტარის" შესვენების შემდეგ გუნდში ბევრი რამ შეცვალა.

სტატისტიკაზე დაყრდნობით, მწვრთნელმა აღმოაჩინა, რომ საწყის 5 წუთში გუნდი გაცილებით ცუდად თამაშობდა, ვიდრე ერთი წლის წინ. ამიტომ, გადაწყვიტა სასტარტო შემადგენლობაში რაღაც შეეცვალა. გრინს, დურანტს, კარისა და ტომპსონს შემადგენლობიდან ვერ ამოაგდებდა. ამიტომ, ზაზა ფაჩულიას შეელია.

რა იქნება პერსპექტივაში? დარჩება თუ არა ფაჩულია "გოლდენ სტეიტში"? ზაზა პირველ ივლისს თავისუფალი აგენტი გახდება და, დიდი ალბათობით, მომავალ სეზონში "უორიორსში" აღარ ითამაშებს.

ამ სეზონმაც დაანახა მთავარ მწვრთნელ სტივ კერს, რომ ნაკლებად სჭირდება კლასიკური ცენტრი. გუნდში დარჩენის ზაზაზე მეტი შანსი ჯავალ მაკგის აქვს."

3114
მკითხველის კომენტარები / 0 /
მსგავსი ამბები
რუბრიკის სხვა სიახლეები
;