ნიკა ცქიტიშვილი სოხუმის პრეზიდენტია

საინტერესო ამბავი გაავრცელა "სოხუმის" "ფიესბუქის" გვერდმა - ნიკა ცქიტიშვილი გუნდის პრეზიდენტად დაინიშნა. "ფეისბუქზე" ვკითხულობთ:

"საქართველოს საკალათბურთო ნაკრების წევრმა ნიკა ცქიტიშვილმა თავისი პროფესიული კარიერა სოხუმის კლუბ "კოლხაში" დაიწყო, რომლის შემადგენლობაში მწვრთნელ ვაჟა კვარაცხელიას ხელმძღვანელობით 1995-1999 წლებში თამაშობდა.

სოხუმის "კოლხას" რიგებში ნიკა გახდა საქართველოს ჩემპიონი ჭაბუკთა და ახალგაზრდებს შორის, მან კარიერა განაგრძო ევროპაში, ხოლო 2002 წლის NBA-ს დრაფტზე "დენვერ ნაგეტსმა" აიყვანა. ბოლო წლებში კი, აზიის ქვეყნების გუნდებში ასპარეზობს.

უცხოეთში ყოფნის დროს ნიკა შეძლებისდაგვარად ეხმარებოდა "სოხუმს". კლუბის დამფუძნებლის და დირექტორის ვაჟა კვარაცხელიას გადაწყვეტილებით, ნიკა ცქიტიშვილი დაინიშნა "სოხუმის" პრეზიდენტად.

ამავე დროს იგი აგრძელებს მოთამაშის კარიერას და მომავალში, შესაძლოა "სოხუმის" რიგებში ითამაშოს."

ამ სიახლესთან დაკავშირებით შევეხმიანეთ ნიკა ცქიტიშვილს.

- მართალია, კარიერა ჯერ არ დამისრულებია, მაგრამ დიდი სურვილი მაქვს სოხუმელებს მხარში დავუდგე. ჯერჯერობით აქ ვარ და ახალ საქმიანობასაც შევუდგები, თუმცა როდესაც კლუბის ვარიანტი გამოჩნდება, საქართველოს დატოვება მომიწევს და "სოხუმს" უცხოეთიდან დავეხმარები.

რაც შეეხება სოხუმელთა რიგებში თამაშს, ამაზე ნამდვილად ვფიქრობ. მინდა კარიერა იქ დავასრულო, სადაც დავიწყე. თუმცა ჯერ ადრეა, - გვითხრა ნიკამ.

ყოველდღიური სპორტული გაზეთი "ლელო"
2125
მკითხველის კომენტარები / 0 /
მსგავსი ამბები
რუბრიკის სხვა სიახლეები
;