skysport.it: მესი? არა, ყაზაიშვილი! [VIDEO]

მესი? არა, ყაზაიშვილი!

ასეთი სათაურით "სქაი სპორტის" იტალიურმა ვერსიამ გამოაქვეყნა ძალიან საინტერესო წერილი, რომელშიც საქართველოს ნაკრების ერთ–ერთ ლიდერზე, ვაკო ყაზაიშვილზეა საუბარი და მისი გვარ – სახელი თვით ლიონელ მსის გვერდითაა ნახსენები.

"მესი არგენტინის ნაკრებს ვერ დაეხმარა ესპანეთთან შეხვედრაში. ის ტრიბუნაზე იჯდა. რა პრობლემაა? თბილისში, საქართველოსა და ესტონეთის ნაკრებების შეხვედრაში ქართველმა ვაკო ყაზაიშვილმა ისეთი გოლი შეაგდო, რომ სტადიონი შეაზანზარა – რამდენიმე მეტოქეს გასცდა ფეხზე მიკრული ბურთით და დიდებული გოლი შეაგდო.

თამამად შეიძლება ითქვას, რომ ქართველი ფეხბურთელის მიერ გატანილმა გოლმა ამხანაგური მატჩებისათვის გამოყოფილი დღე გაალამაზა. მან ის გააკეთა, რაც იდეაში უნდა გაეკეთებინა მესის.

ეს იყო ორი გუნდის მატჩი, რომლებიც ალბათ ვერასოდეს ითამაშებს მუნდიალზე. და მაინც, ყურებად ღირდა. ყაზაიშვილმა ბურთი ნახევარდაცვისაგან მიიღო. შეტრიალდა, გასცდა ფართო ნაბიჯებით რამდენიმე მცველს, მოხდენილი მანევრით გააბითურა კიდევ ერთი და გაიტანა.

საქართველოს ნაკრებმა ამ გოლით 35 – ე წუთისათვის გაიმყარა უპირატესობა, რომელიც მოიპოვა მეექვსე წუთზე მას შემდეგ, რაც ტაბიძემ გახსნა ანგარიში" – წერია სტატიაში.

ყოველდღიური სპორტული გაზეთი "ლელო"
5049
მკითხველის კომენტარები / 4 /
ბმბ
0
შენს ენაზე მო-ი, მთელი საქართველო ამაზე ფიქრით ცხოვრობს, ოცნებობს და იმედი აქვს, იმედი, რომელიც აუცილებლად რეალობად იქცევა, ა უ ც ი ლ ე ბ ლ ად! მიდით ბიჭებო, თქვენ ეს შეგიძლიათ! უაღრესად საინტერესო და ნიჭიერი თაობაა, ერთადერთი რაც მოეთხოვებათ, ვარჯიშია. ოქრი, ორივე ვაკო, ჯანო,აბურჯანია, ჯაბა, ჩაკვეტაძე, ეს სერიოზული ძალაა, მერწმუნეთ. ჩაკვეტაძე ხომ საერთოდ მოვლენაა, ამ ასაკში .დარასელიას შემდეგ ასეთი თავდაჯერებული და შემდგარი ფეხბურთელი მე არ მინახავს. ის დიდი ფეხბურთელი უნდა გახდეს, ისევე როგორც ყველა ზევით ჩამოთვლილი, დაცვაც კარგია, მეკარეები გვყავს, მჭედლიძე თუ გამოჯანმრთელდა და ფორმაში ჩადგა, ქვილითაიასთან ერთად თავდასხმაც ასე თუ ისე კარგია. ასე რომ, ბატონებო-ყინული დაიძრა! P.S. ჯგუფს ძალიან ადვილად მოვიგებთ.
გიო
0
ყველა ფეხბურთელმა კარგად დაიმახსოვრეთ მათი ფრაზა - ,,ისინი ვერასოდეს ითამაშებენ მუნდიალზე" უნდა ვაჩვენო მათ თუ ვის გზას ვაგრძელებთ, თუ ვინ იყვნენ მესხი, პაიჭაძე, ყიფიანი, ჩივაძე, შენგელია, გუცაევი, დარასელია და რავიცი კიდევ რამდენი დიდებული ქართველი ფეხბურთელი, რომლებსაც მსოფლიო სამწუხაროდ საბჭოთა ფეხბურთელებად იცნობს.
მსგავსი ამბები
რუბრიკის სხვა სიახლეები
;