საქართველოს რაგბის მხარდამჭერთა კლუბი რაგბის განვითარებისთვის

რაგბი, როგორც ცხოვრების წესი, როგორც საკუთარი თავის პოვნის საშუალება, როგორც ფიზიკურად და მენტალურად ჯანმრთელი თაობების გაზრდის იარაღი, შესაძლოა მნიშვნელოვანი გახდეს ჩვენი ქვეყნის სწორი განვითარების გზაზე. აქედან გამომდინარე "რაგბი ჩვენი თამაშია", რადგან ის ჩვენ გვჭირდება.

სწორედ ამ ფასეულობებისა და აღნიშნული პერსპექტივის გამო შეიქმნა ორგანიზაცია აიპ საქართველოს რაგბის მხარდამჭერთა კლუბი, რომლის მიზანია რაგბის პოპულარიზაცია, სარაგბო ფასეულობების ხელშეწყობის მიზნით. ჩვენ, რაგბის კავშირთან ერთად მხარს ვუჭერთ ამ მისიას და ვიღებთ გარკვეულ პასუხისმგებლობას საზოგადოების წინაშე.
აღნიშნული მიზნის მისაღწევად საქართველოს რაგბის მხარდამჭერთა კლუბი მაქსიმალურად ცდილობს კლუბის წევრების რაოდენობის გაზრდას, რადგან მიგვაჩნია, რომ საქართველოს რაგბის მხარდამჭერთა კლუბი წარმოადგენს გარკვეულ სკოლას სწორი გულშემატკივრობისა და სარაგბო კულტურის ღრმად შესაცნობად. ამ მომენტისთვის კლუბში 230 ადამიანი ირიცხება. თითოეული მათგანი იხდის კლუბის წლიურ საწევროს, რადგან მათ იგრძნონ პასუხისმგებლობა იმ ორგანიზაციაზე, რომელშიც გაწევრიანდნენ და, შესაბამისად, ორგანიზაციასაც მოთხოვონ აღებული ვალდებულებების შესრულება.

გარდა იმისა, რომ კლუბი ცდილობს სარაგბო ფასეულობების მიტანას ფართო მასებამდე, ასევე ზრუნავს კლუბის წევრების ცხოვრების სხვადასხვა ასპექტზე. შემუშავებულია ორი ტიპის პაკეტი, საგულშემატკივრო და სოციალური.

საგულშემატკივრო პაკეტის ფარგლებში გულშემატკივარი იღებს: კლუბის მაისურს, კლუბის წევრობის დამადასტურებელ მოწმობას, ბილეთს ნაკრების ყველა საშინაო მატჩზე, დროშას და პოსტერ "ლელოს". რაც შეეხება სოციალურ პაკეტს, პაკეტში შედის 5 სხვადასხვა დარგის კომპანიაში საკმაოდ სოლიდური ფასდაკლებები, რომლითაც სარგებლობენ, როგორ კლუბის წევრები, ასევე მათი ოჯახის წევრები. ზაფხულის ტურისტული სეზონის განმავლობაში კლუბის წევრები ყოველთვიურად გადიან ქალაქგარეთ. ხოლო წელიწადში ორჯერ "დიდი შეკრების" ფარგლებში კლუბი თავისი წევრებისთვის უფასო ექსკურსიას აწყობს.

კლუბის მისიიდან გამომდინარე, მხოლოდ წევრების რაოდენობის ზრდა და თამაშის დროს მათი სტადიონზე შეკრება საკმარისი არაა. სწორედ ამიტომ ორგანიზაცია ქმნის სოციალურ და მედიასაშუალებებს, რომ რაგბის ხმა მუდმივად ისმოდეს. კლუბმა შეძლო და ფეისბუქგვერდი ასი ათას მოწონებაზე აიყვანა, შეიქმნა ორი გადაცემა "გულშემატკივრის დრო" და "სარაგბო რენტგენი".

ამუშავდა საიტი supporters.ge, რომელსაც გარდა იმისა, რომ ის საქართველოს რაგბის მხარდამჭერთა კლუბის ოფიციალური ვებგვერდია, აქვს ონლაინგამოცემისა და ვიდეო პორტალის დანიშნულებაც.

საქართველოს რაგბის მხარდამჭერთა კლუბი, გარდა საქართველოს რაგბის კავშირისა, მჭიდრო კავშირშია მომავალზე ორიენტირებულ ურთიერთობაში თავის გენერალურ სპონსორ "ლიდერბეთთან" და მეგობარ კომპანიებთან, რომელთა რიცხვში შედის: ბილაინი, ჩემპიონთა აკადემია და კიდევ შედარებით უცნობი 7 კომპანია. ჩვენ ვცდილობთ მაქსიმალურად გავაფართოვოთ კეთილის მსურველთა წრე, რომ, ერთი მხრივ, ორგანიზაციამ, როგორც გულშემატკივართა კლუბმა, შეძლოს ფუნქციონირება, ხოლო, მეორე მხრივ, შევინარჩუნოთ და განვავითაროთ უკვე შექმნილი ან მომავალში შესაქმნელი "კონტენტები".

• კლუბში გაწევრიანებისა საფასური 15 ლარს შეადგენს 50%-იანი ფასდაკლებით.
• წევრი კლუბისგან მიიღებს საქომაგო მაისურს და "ლელოს" პოსტერს.
• 1 წლის განმავლობაში ბილეთებს უფასოდ.
• მონაწილეობს ექსკურსიებში და გუნდის გაძლიერების სხვა აქტივობებში
• კლუბის წევრი ასევე ისარგებლებს სოციალური პაკეტით შემდეგ კომპანიებში:
• ჩჰამპიონს Aცადემყ-30% ფასდაკლებით.
• ბილაინის კორპორატიული ნომრით.
• ესთეტიკურ ცენტ Lილე-ში ფასდაკლებით.
• Oვალისპორტ.ცომ პროდუქციაზე -20% ფასდაკლებით.
• დომინოს პიცის შეძენისას 25% ფასდაკლებით.

კლუბში გაწევრიანების ბმული: https://supporters.ge/clubregistration/

499
მკითხველის კომენტარები / 0 /
მსგავსი ამბები
რუბრიკის სხვა სიახლეები
;