U 18. ლექსო ლაფანაშვილი: ეს გუნდი სხვებზე სტაბილური, უკეთ დაბალანსებულია

თითქმის ყველა გუნდმა დაფარა U 18 საქართველოს ჩემპიონატის პირველი წრე. და ლიდერობს ზაზა ფაჩულიას საკალათბურთო აკადემიის გუნდი.

ზაზა 1 საუკეთესოა. 13 თამაში. 13 მოგება. პროგრესი და დისციპლინა. ამ კომპონენტებით ზაზა 1 სამაგალითოა.

მხოლოდ 2 თამაში (11:2) წააგო ზაზას აკადემიის მეორე გუნდმა და მოგება-წაგების დადებითი ბალანსი აქვს მესამე გუნდს (7:6).
სამივე გუნდში მუშაობს ლექსო ლაფანაშვილი. პირველ ორ გუნდში ლექსო მთავარი მწვრთნელის, დეიან პროკიჩის ასისტენტია და მესამე გუნდში ლაფანაშვილი მთავარი მწვრთნელია.

აკადემიის მწვრთნელმა პირველი წრე შეაფასა. წავედით.

- ზაზა 1-მა ყველა თამაში მოიგო...

ლექსო ლაფანაშვილი: "და ეს არ არის მოულოდნელი. ეს გუნდი სხვებზე სტაბილურია. უკეთ დაბალანსებული. დღეში ორჯერ გვაქვს ინტენსიური ვარჯიშები და ალბათ, ეს გუნდი სხვებზე აწყობილი, შეთამაშებულია. კიდევ ერთი ფაქტორი - პირველ გუნდში ზაზა 2-ზე ასაკით უფროსები თამაშობენ და ესეც დამატებითი უპირატესობაა. ყველა ამ ფაქტორმა განაპირობა, რომ გუნდმა წაუგებლად დაამთავრა პირველი წრე. ყველა თამაშში დიდი მარაგით ვიგებდით. ძალიან კარგად ჩანს მწვრთნელის, დეიან პროკიჩის მუშაობა.

- ზაზა 2?
- ლ.ლ: "ამ გუნდში რამდენიმე ძალიან ნიჭიერი მოთამაშეა. უბრალოდ, არის ის მომენტი,. როდესაც როგორც ბოლო შეხვედრაში, "ჰიუნდასითან", ბიჭები ბოლომდე არ აფასებენ მოწინააღმდეგეს და იღებენ ცუდ შედეგს. იყო წაგება ჩვენი აკადემიის პირველ გუნდთანაც. და ამის ფონზე მაინც ვთვლი, რომ ზაზა 2 ჩემპიონატის ერთ-ერთი ფავორიტია.

- გვრჩება აკადემიის მესამე გუნდი, სადაც თქვენ მთავარი მწვრთნელი ხართ.

- ლ.ლ: "ძალიან კარგი მოთამაშეები გვყავს და ბიჭები ვითარდებიან, იზრდებიან. წაგებით გამოცდილების მიღება არ არის სასიამოვნო, მაგრამ ხანდახან - საჭიროა. ამ გუნდს არავინ არ ეუბნება, რომ აუცილებლად ჩემპიონი უნდა გახდეს. მთავარია, მოთამაშეებმა მოუმატონ და შეავსონ ჩვენი პირველი ორი გუნდი. აქცენტს სწორ თამაშზე ვაკეთებთ. იყო შემთხვევები, როდესაც წაგების შემდეგ მაინც კმაყოფილი ვიყავი კალათბურთის ხარისხით. ცხრილში ნორმალურად ვართ (მეექვსე ადგილი). ჩვენი მიზანი ხარისხის გაუმჯობესება და პროგრესია.

4. მეორე წრეში აკადემიის გუნდებისგან რას მივიღებთ?

- ლ.ლ: "გუნდებში ბევრი არაფერი არ შეიცვლება. ვეცდებით, ფლეი ოფისთვის მოვუმატოთ. სეზონის მაღალ დონეზე დამთავრება გვინდა.

ზაზას აკადემიის პრესსამსახური

937
მკითხველის კომენტარები / 0 /
რუბრიკის სხვა სიახლეები