U-18. რაგბი. 25:0 და... საქართველო ევროპის ჩემპიონატის ფინალშია!

საქართველოს 18-წლამდელთა ნაკრებმა პოლონეთის ქალაქ პოზნანში მიმდინარე "რაგბი ევროპის ჩემპიონატზე" ნახევარფინალში პორტუგალიის ნაკრები მშრალი ანგარიშით 25:0 დაამარცხა და ფინალში საფრანგეთის ნაკრებს დაუპირისპირდება.

თამაში მძიმე მეტეოროლოგიურ პირობებში მიმდინარეობდა და პირველ ტაიმში პირქარში მოთამაშე "უმცროსი ბორჯღალოსნები" ბევრ შეცდომებს უშვებდნენ. ძლიერი ქარის გამო არ გამოდიოდა ფეხით თამაშიც. მიუხედავად ამისა, მატჩის პირველ ნახევარში საქართველოს ნაკრებმა ორი ლელო გაიტანა, თავი გარემარბმა ზურაბ ქავთარაძემ და ცხრა ნომერმა მიხეილ ალანიამ გამოიჩინეს. შუამარბმა ლაშა ლომიძემ ვარცერთი გარდასახა - 10:0. ასე დასრულდა პირველი ტაიმი.

შესვენების შემდეგ, "უმცროსმა ბორჯღალოსნებმა" კიდევ სამი ლელო მიითავლეს, სამწუხაროდ ლომიძემ ვერც მათი გარდასახავა შეძლო. მეტოქის ჩათვლის მოედანში კი, ბურთი თითოჯერ დაამიწეს, ისევ ქავთარაძემ და შეცვლაზე შესულმა პირველხაელებმა ირაკლი მჭედლიძემ და ვანო კარკაძემ.
საქართველოს ნაკრები ფინალში, 31 მარტს საფრანგეთის ნაკრებს ზედიზედ მეოთხედ დაუპირისპირდება. ფრანგებმა ნახევარფინალში ესპანელების დამარცხება შეძლეს - 38:7.

საქართველო-პორტუგალია 25:0
საქართველო: 15. თეიმურაზ ჭიჭინაძე, 14. ოთარ ლაშხი, 13. დემურ თაფლაძე, 12. ლაშა ლომიძე, 11. ზურაბ ქავთარაძე, 10. ნიკა ცინცაძე, 9. მიხეილ ალანია. 1. დავით აბდუშელიშვილი, 2. საბა კურატიშვილი, 3. ლუკა ჭელიძე, 4. ტარიელ გვიმრაძე, 5. ვლადიმერ ჩაჩანიძე. 6. ბექა ყორიაული, 7. იოანე იაშაღიშვილი, 8. გიგი შეშკაშელი.
16. ირაკლი მჭედლიძე, 17. ვანო კარკაძე, 18. ხვიჩა ცოფურაშვილი, 19. ლუკა მაჭარაშვილი, 20. ნიკოლოზ ღამბაშიძე, 21. გიორგი მარგალიტაძე, 22. გიორგი თევდორაძე, 23. ირაკლი სიმსივე
5ლ: ქავთარაძე (2), ალანია, მჭედლიძე, კარკაძე.

ევროპის ჩემპიონატი
V ადგილისთვის
რუმინეთი-ბელგია 27:5
რუსეთი-ჰოლანდია 3:18

ნახევარფინალი
საქართველო-პორტუგალია 25:0
საფრანგეთი-ესპანეთი 38:7

31 მარტი
VII ადგილისთვის
ბელგია-ჰოლანდია

V ადგილისთვის
რუმინეთი-რუსეთი

III ადგილისთვის
ესპანეთი-პორტუგალია

ფინალი
საქართველო-საფრანგეთი

ყოველდღიური სპორტული გაზეთი "ლელო"
2495
მკითხველის კომენტარები / 0 /
მსგავსი ამბები
რუბრიკის სხვა სიახლეები
;